Paris Saint Germain yatwaye ibikombe bitatu muri bine yakiniye mu mwaka w’imikino ushize birimo na UEFA Champions League, ifite abakinnyi icyenda muri 30 bazatoranywamo uwegukana Ballon d’Or nk’umukinnyi mwiza w’uyu mwaka ku Isi.

Kuri uyu wa Kane tariki ya 6 Kanama 2025 ni bwo France Football yashyize ahagaragara urutonde rw’abakinnyi 30 bazatoranywamo uwahize abandi mu 2025.

Paris Saint Germain yegukanye ibikombe bitatu birimo na UEFA Champions ku nshuro ya mbere ni yo ifite abakinnyi benshi ari bo Ousmane Dembele, Gigi Donnarumma, Desire Doue, Achraf Hakim, Khvicha Kvaratskhelia, Nuno Mendes, Joao Neves, Fabian Ruiz na Vitinha.

Muri abo kandi harimo abakinnyi bane bakinira Liverpool na Arsenal zasoreje mu myanya ibiri ya mbere muri Premier League.

Abahabwa iki gihembo batoranywa n’akanama k’abanyamakuru bo muri buri gihugu kiri mu 100 bya mbere ku rutonde rwa FIFA mu bagabo.

Umuhango wo gutanga igihembo cy’uyu mwaka uzaba ku wa Mbere, tariki ya 22 Nzeri 2025, muri Théâtre du Châtelet i Paris mu Bufaransa.

Urutonde rw’abakinnyi bahataniye Ballon d’Or 2025

Jude Bellingham (Real Madrid), Ousmane Dembele (PSG), Gigi Donnarumma (PSG), Desire Doue (PSG), Denzel Dumfries (Inter Milan), Serhou Guirassy (Borussia Dortmund), Victor Gyökeres (Arsenal), Erling Haaland (Manchester City), Achraf Hakim ( PSG), Harry Kane (Bayern Munich), Khvicha Kvaratskhelia (PSG), Robert Lewandowski (Barcelona), Alexis Mac Allister (Liverpool), Lautaro Martínez (Inter Milan), Kylian Mbappé (Real Madrid), Scott Mctominay (Napoli), Nuno Mendes (PSG), Joao Neves (PSG), Michael Olise (Bayern Munchen), Cole Palmer (Chelsea), Pedri ( FC Barcelona), Raphinha (FC Barcelona), Declan Rice (Arsenal), Fabian Ruiz (PSG), Mohamed Salah (Liverpool), Virgil Van Dijk (Liverpool), Vinicius Junior (Real Madrid),Vitinha (PSG) Florian Wirtz (Liverpool), Lamine Yamal (FC Barcelona).