Abana 10 baserukiye u Rwanda muri Academy ya Bayern Munich
Siporo

Abana 10 baserukiye u Rwanda muri Academy ya Bayern Munich

Imvaho Nshya

October 17, 2023

Abana10 bafite imyaka14 kugeza kuri16 baheruka gutoranywa kujya muri Academy ya Bayern Munich berekeje mu Budage aho bagiye gukina irushanwa ry’abato rya Academy za Bayern Munich ziri hirya no hino ku Isi ryitwa ‘’FC Bayern Youth Cup’’

Ku mugoroba wo kuri uyu wa Mbere tariki 16 Ukwakira 2023, ni bwo abakinnyi 10 bafite imyaka 14 kugeza kuri 16 bahagurutse mu Rwanda berekeza mu Budage bayobowe na visi perezida wa kabiri wa FERWAFA ushinzwe Tekinike Mugisha Richard. 

Aba bakinnyi 10 batoranyijwe mu bakinnyi 1 725 bo mu makipe 345 yarushanyijwe mu gihugu hose.

Muri iri rushanwa u Rwanda ruzahura n’andi makipe 7 arimo Argentina, Mexico, Leta zunze ubumwe z’Amerika, u Buhinde, u Budage, Nijeriya na Afurika y’Epfo.

Iri rushanwa rizatangira tariki 18-23 Ukwakira 2023.

Umukinnyi uzitwara neza muri iri rushanwa azahita abona amahirwe yo kwerekeza mu ikipe nkuru ya Bayern munich.

Binyuze mu Rwego rw’Igihugu rw’Iterambere RDB, u Rwanda rwasinyanye amasezerano n’Ikipe ya Bayern Munich yo mu Budage aho izamenyekanisha ubukerarugendo bwarwo binyuze mu kurwamamaza muri stade yayo ya Allianz Arena.

Muri aya masezerano y’imyaka itanu, Bayern Munich izafasha u Rwanda guteza imbere ruhago uhereye mu kuyigisha abakiri bato.

Amazina y’abakinnyi 10 bahagurutse mu Rwanda

1. Gatare Ndahiriwe Hertier

2. Hategekimana Abdulahim

3. Ishimwe Elie

4.Ntwali Anselme

5. Sheja Djibril

6. Twagirihirwe Alex

7. Mutangana Cedric

8. Ndayishimiye Barthazal

9. Byiringiro Thierry

10. Edison

SHEMA IVAN

TANGA IGITECYEREZO

AMATEGEKO AGENGA IYANDIKA RY'IGITEKEREZO CYAWE

IZINDI NKURU WASOMA