Umuryango w’Abanyamakuru batagira Umupaka, Reporters Without Borders (RSF), watangaje ko muri uyu mwaka wa 2025 abanyamakuru 67 bapfuye ku Isi hose bazize umwuga wabo, aho kimwe cya kabiri cyabo baguye mu Ntara ya Gaza muri Palestine.

Ibi bikubiye muri raporo yashyizwe hanze n’uyu muryango kuri uyu wa Kabiri, tariki ya 9 Ukuboza 2025.

Ni raporo yakozwe bahereye tariki ya 1 Ukuboza 2024 kugeza tariki ya 1 Ukuboza 2025.

Iyi raporo yerekanye ko abanyamakuru 29 bagize kimwe cya kabiri cyabishwe mu mwaka wose baguye mu ntambara yo muri Ntara ya Gaza hagati Palestine na Isiraheli.

Iyi raporo kandi yagaragaje ko kuva mu Ukwakira 2023 iyi ntambara itangiye abanyamukuru 220 ari bo bamaze kuhasiga ubuzima.

Mexique ni cyo gihugu cyaje ku isonga mu kwica abanyamakuru benshi aho icyenda bapfuye aho bishwe amatsinda y’abagizi ba nabi. 

Muri 2025, abanyamakuru 503 ni bo bafunzwe hirya no hino ku isi barimo 121 bo mu Bushinwwa, 48 mu Burusiya na 47 bo muri Myanmar n’abandi mu bindi bihugu bitandukanye.

Ba uwa mbere mu kumenya amakuru agezweho!!!