Guverinoma ya Repubulika Iharanira Demukarasi ya Congo n’Ihuriro Alliance Fleuve Congo (AFC/M23) bashyize umukono ku nyandiko ishmangira ishyirwa mu bikorwa ry’agahenge, hagamijwe gushimangira inzira y’amahoro arambye mu burasirazuba bwa RDC.

Iri sinywa ryabereye i Doha, rikurikiye inama y’urwego rushinzwe gukurikirana no kugenzura ishyirwa mu bikorwa ry’agahenge hagati y’impande zombi.

Iyi nama yateguwe na Leta ya Qatar, ikomeje gushyira imbaraga mu gufasha gukemura amakimbirane mu burasirazuba bwa RDC.

Impande zombi zongeye gushimangira ubushake bwo kubahiriza agahenge no gushyira mu bikorwa Amasezerano ya Doha agamije amahoro, yasinywe tariki ya 15/12/2025.

Leta na AFC/M23 biyemeje kandi gushyira mu bikorwa, mu bwitange n’ubunyangamugayo, inshingano zose ziteganywa n’ayo masezerano, mu rwego rwo gushyigikira no kwihutisha inzira y’amahoro.

Abitabiriye inama baganiriye ku ishusho rusange y’umutekano, hibandwa ku mbogamizi zikigaragara ndetse n’amahirwe yo gukomeza inzira y’amahoro.

Bashimangiye ko hakenewe ingamba zifatika zo kongera imbaraga mu gukurikirana, kugenzura no gusangira amakuru, hagamijwe gushyigikira neza ishyirwa mu bikorwa ry’amasezerano.

By’umwihariko, abagize inama bahaye inshingano zijyanye no gucunga ishyirwa mu bikorwa ry’agahenge umuryango wa CIRGL, banemeza ko bazakomeza kubafasha no kubagenera uburyo bukenewe kugira ngo inshingano zabo zigerweho neza.

Banahaye MONUSCO inshingano zo kohereza byihuse itsinda rya mbere ry’indorerezi mu Mujyi wa Uvira, mu rwego rwo kugenzura ishyirwa mu bikorwa ry’agahenge mu minsi ya vuba.

Hashyizweho kandi imiyoboro y’itumanaho izafasha izi nzego gukora neza no kuzuza inshingano zazo.

Hashingiwe kuri izo mpaka n’imyanzuro yafatiwe mu nama, bemeranyije ku byiciro bikurikiraho bigamije kongera umusaruro n’imikorere yayo, ndetse no gukomeza gutegura inama zisanzwe zizajya ziba muri uwo murongo, hagamijwe kurinda no gutsimbakaza amahoro arambye mu Karere.

Iyi ntambwe itanga icyizere gishya ku baturage bo mu Karere k’ibiyaga bigari, by’umwihariko abo mu burasirazuba bwa RDC, bamaze igihe kirekire bibasirwa n’ingaruka z’intambara n’umutekano muke.

Iri sinywa ryabereye i Doha rikurikiye inama y’urwego rushinzwe gukurikirana no kugenzura ishyirwa mu bikorwa ry’agahenge hagati y’impande zombi.

Iyi nama yateguwe na Leta ya Qatar, ikomeje gushyira mu gufasha gukemura amakimbirane mu burasirazuba bwa RDC.

Impande zombi zongeye gushimangira ubushake bwo kubahiriza agahenge no gushyira mu bikorwa Amasezerano ya Doha agamije amahoro, yasinywe tariki ya 15/12/2025.

Leta na AFC/M23 biyemeje kandi gushyira mu bikorwa, mu bwitange n’ubunyangamugayo, inshingano zose ziteganywa n’ayo masezerano, mu rwego rwo gushyigikira no kwihutisha inzira y’amahoro.

Abitabiriye inama baganiriye ku ishusho rusange y’umutekano, hibandwa ku mbogamizi zikigaragara ndetse n’amahirwe yo gukomeza inzira y’amahoro.

Bashimangiye ko hakenewe ingamba zifatika zo kongera imbaraga mu gukurikirana, kugenzura no gusangira amakuru, hagamijwe gushyigikira neza ishyirwa mu bikorwa ry’amasezerano.

By’umwihariko, abagize inama bahaye inshingano zijyanye nogucunga ishyirwa mu bikorwa ry’agahenge umuryango wa CIRGL, banemeza ko bazakomeza kubafasha no kubagenera uburyo bukenewe kugira ngo inshingano zabo zigerweho neza.

Banahaye MONUSCO inshingano zo kohereza byihuse itsinda rya mbere ry’indorerezi mu mujyi wa Uvira, mu rwego rwo kugenzura ishyirwa mu bikorwa ry’agahenge mu minsi ya vuba.

Hashyizweho kandi imiyoboro y’itumanaho izafasha izi nzego gukora neza no kuzuza inshingano zazo.

Hashingiwe kuri izo mpaka n’imyanzuro yafatiwe mu nama, bemeranyije ku byiciro bikurikiraho bigamije kongera umusaruro n’imikorere yayo, ndetse no gukomeza gutegura inama zisanzwe zizajya ziba muri uwo murongo, hagamijwe kurinda no gutsimbakaza amahoro arambye mu Karere.

Iyi ntambwe itanga icyizere gishya ku baturage bo mu Karere k’ibiyaga bigari, by’umwihariko abo mu burasirazuba bwa RDC, bamaze igihe kirekire bibasirwa n’ingaruka z’intambara n’umutekano muke.

Ba uwa mbere mu kumenya amakuru agezweho!!!