Alex Dusabe na Israel Mbonyi batanze ibyishimo mu gitaramo KGF

Alex Dusabe na Israel Mbonyi batanze ibyishimo mu gitaramo KGF

NTAWITONDA JEAN CLAUDE

May 22, 2022

Alex Dusabe wamamaye mu ndirimbo zo kuramya no guhimbaza Imana, yateguye igitaramo yahuriyemo n’abandi baramyi bakomeye mu Rwanda, barimo Israel Mbonyi na Papi Clever.

Ni igitaramo cyiswe Kigali Gospel Fest cyitabiriwe n’ibihumbi byabatuye umujyi wa Kigali, cyabereye muri Car Free Zone aho aba baramyi batanze ibyishimo bisendeye imitima yabacyitabiriye bataha ibohotse.

Iki gitaramo kandi cyizihijwemo isabukuru ya Israel Mbonyi ndetse na Aime Uwimana, cyagaragayemo abanda bahanzi batandukanye bakomeye mu njyana yo kuramya no guhimbaza Imana barimo Aline Gahongayire ndetse na Dominic Nic.

Israel Mbonyi

Abitabiriye iki gitaramo bari bafite amaranga mutima menshi, kuburyo warebaga ku maso ya buri munsi ukabonaho akanyamuneza, dore ko ari cyo gitaramo gihuruje imbaga kuva leta yatangaza ko kwambara agapfukamunwa bitakiri itegeko.

 Umwe mu bitabiriye iki gitaramo yavuze ko umutima we unyunzwe cyane, kuko nibwo nyuma ya Covid-19 yatanga agahenge mu Rwanda aribwo abashije kwitabira igitaramo nkiki no kwishima cyane.

Abitabiriye igitaramo bari benshi

Alex Dusabe wateguye iki gitaramo yagiranye yavuze ko kunyura muri Car Free Zone ari byo byamuhaye igitekerezo cyo kujya ategura ibi bitaramo.

Ati “Iyerekwa ry’iki gitaramo ryaje nyuze muri ‘Car Free Zone’, ndavuga nti ‘kuki nta kintu kijyanye no gutanga ubutumwa bwiza kijya kibera muri aka gace?’ Nyuma naje kubisaba Umujyi wa Kigali urabyemera.”

Yavuze ko iki gitaramo yifuza ko kizaguka kikajya kiba umunsi urenze umwe, ndetse byaba byiza kikabera no mu yindi mijyi itari Kigali.

Ati “Uretse kuririmba, iki gitaramo hazajya habamo ibikorwa bitandukanye bijyanye no gutanga ubutumwa bwiza.”

Kigali Gospel Festival yateguwe na Alex Dusabe afatanije n’Umujyi wa Kigali

Uyu muramyi kandi yanyuzwe nuko yakiriwe n’imbaga yari yitabiriye iki gitaramo, dore ko ari gake wabona Alex Dusabe mu bitaramo ibyari byo byose.

Imbamutima zari nyinshi haba kubahanzi ndetse no ku bitabiriye iki gitaramo batashye batanyuzwe n’igihe cyagenwe kubera inyota bari bagifitiye abahanzi no kuramya.

Kwinjira muri iki gitaramo cy’aba bahanzi byari ubuntu, ibintu Dusabe avuga ko yatekereje kugira ngo abantu bose bumve ko nta n’umwe uhejwe.

Uretse gutambutsa ubutumwa bwiza mu ndirimbo zabo, habayeho gutanga ubuhamya bw’umusore wari warabaswe n’ibiyobyabwenge akaba yarabiretse, hanatanzwe mo ak ndi Bibiliya ku bakiriye Agakiza.

Iki gitaramo kizajya kiba buri mwaka, kuri iyi nshuro kikaba cyatangirijwe muri Car Free Zone mu Mujyi wa Kigali Rwagati, aho abacyitabiriye basabye ko cyazongererwa igihe mu bitaramo bizakurikiraho.

TANGA IGITECYEREZO

AMATEGEKO AGENGA IYANDIKA RY'IGITEKEREZO CYAWE

IZINDI NKURU WASOMA