APR FC yisubije umwanya wa mbere nyuma y’umunsi wa 23

APR FC yisubije umwanya wa mbere nyuma y’umunsi wa 23

Imvaho Nshya

April 18, 2022

Police FC 1-0 Musanze FC

Rutsiro FC 1-0 Etoile de l’ Est

Gasogi United 2-0 Kiyovu

Mukura 1-2 Espoir FC

Marines FC 2-1 Gicumbi FC

Gorilla FC 0-1 Rayon Sports

Bugesera FC 0-1 APR FC

AS Kigali 2-2 Etincelles FC

Mu mpera z’icyumweru gishize taliki 15, 16 na 17 Mata 2022 ni bwo shampiyona y’icyiciro cya mbere mu mupira w’amaguru mu bagabo yasubukuwe hakinwa imikino y’umunsi wa 23.

Imikino ibiri ni yo yari itegerejwe cyane, umukino wa Gasogi United na Kiyovu ndetse n’umukino wa  Bugesera FC na APR FC kuko izi kipe zombi, Kiyovu na APR FC ni zo zihanganiye igikombe cya shampiyona ya 2021-2022.

Ikipe ya Kiyovu yari imaze igihe iyoboye urutonde rwa shampiyona aho yari ifite amanota 50 nta bwo yitwaye neza kuko yatsinzwe na Gasogi United ibitego 2-0 byatsinze na Malipangou Theodore Christian na Hassan Djribrine. Umukino wabereye kuri Sitade ya Kigali i Nyamirambo taliki 15 Mata 2022.

Ubwo Kiyovu yatsindwaga na Gasogi United

Nyuma yo gutakaza amanota ku ikipe ya Kiyovu, APR FC yari imaze iminsi iri ku mwanya wa kabiri n’amanota 48   yegukanye amanota 3 itsinze Bugesera FC igitego 1-0 cyatsinzwe na Mugisha Bonheur mu minota y’inyongera bituma iyi kipe ihita yisubiza umwanya wa mbere ku rutonde rw’agatenyo. Uyu mukino wabereye kuri Sitade i Nyamata taliki 17 Mata 2022.

Mu yindi mikino y’umunsi wa 23 yabaye, Police FC yatsinze Musanze FC igitego 1-0, Rutsiro FC itsinda Etoile de l’ Est FC igitego 1-0, Mukura  itsindirwa iwayo na Espoir FC ibitego 2-1,  Marines FC itsinda Gicumbi FC ibitego 2-1, Gorilla FC itsindwa na Rayon Sports igitego 1-0 naho AS Kigali inganya na Etincelles FC ibitego 2-2.

Nyuma y’imikino y’umunsi wa 23, APR FC iyoboye urutonde n’amanota 51 ikurikiwe na Kiyovu n’amanota 50, Mukura ku wanya wa 3 n’amanota 38 inganya na Rayon Sports  iri ku mwanya wa 4. Ku mwanya wa 5 hari AS Kigali (37), Police FC (35), Musanze FC (32), Espoir FC (30), Marines FC (29), Gasogi United (26), Rutsiro FC (24), Bugesera FC (23), Etincelles FC (22), Gorilla FC 921), Etoile de l’Est FC (20) naho ku mwanya wa nyuma wa 16 hari Gicumbi FC n’amanota 16.

Imikino y’umunsi wa 24 wa shampiyona biteganyijwe ko izaba  taliki 22, 23 na 24 Mata 2022.

TANGA IGITECYEREZO

AMATEGEKO AGENGA IYANDIKA RY'IGITEKEREZO CYAWE

IZINDI NKURU WASOMA