Basketball: APR WBBC na REG WBBC zageze muri ½ cya Zone V zidatsinzwe
APR WBBC na REG WBBC zihagarariye u Rwanda mu mikino nyafurika ya zone V zageze muri ½ nyuma yo gutsinda imikino yose bakinnye mu matsinda.
Iri rushanwa riri kubera i Nairobi muri Kenya kuva ya 9 kugeza ku ya 15 Ugushyingo 2025, ryitabiriwe n’amakipe yo mu Rwanda, Uganda, Tanzania, Kenya n’i Burundi.
Ikipe ya REG WBBC yabigezeho nyuma yo gutsinda imikino yose y’amatsinda, harimo uwo yatsinze Don Bosco Lady yo muri Tanzania amanota 87-38, uwo yatsinze Zetech University yo muri Kenya amanota 86-44 ndetse n’undi yatsinze Les Hippos y’i Burundi amanota 67-56.
APR BBC na yo yabigezeho nyuma yo gutsinda imikino yose y’amatsinda. Harimo uwishiraniro yatsinze Kenya Portal Authority amanota 81-71, uwo yandagaje Gladiators y’i Burundi amanot 97–42, uwo yatsinze
Foxes Divas yo muri Tanzania amanota 89–51 ndetse n’undi yatsinze Magic Stormers yo muri Uganda amanota 70–50.
Mu mikino ya ½, REG WBBC izahura na KPA, mu gihe APR WBBC izahura na Les Hippos. Imikino yombi iteganyijwe ku wa Gatanu, tariki ya 14 Ugushyingo 2025.
Amakipe atatu ya mbere azahita abona itike ya gukina imikino ya ‘Africa Women Basketball League’ izahuza amakipe 10 yo hirya no hino kuri uyu mugabane, izabera i Cairo mu Misiri guhera tariki ya 5 kugeza ku ya 15 Ukuboza 2025.
TANGA IGITECYEREZO
AMATEGEKO AGENGA IYANDIKA RY'IGITEKEREZO CYAWE
IZINDI NKURU WASOMA
