CAN 2023 : Ikipe y’u Rwanda yatsinzwe na Mozambique

CAN 2023 : Ikipe y’u Rwanda yatsinzwe na Mozambique

Imvaho Nshya

June 18, 2023

Taliki 17-06-2023

Benin 1-1 Senegal

Taliki 18-06-2023

Rwanda 0-2 Mozambique

Ikipe y’u Rwanda “Amavubi” kugeza ubu nta mahirwe isigaranye yo kubona itike yo kuzitabira imikino ya nyuma y’Afurika “CAN 2023” izabera  muri Cote d’Ivoire umwaka utaha muri Mutarama na Gashyantare 2024 nyuma yo gutsindwa na Mozambique mu mukino w’umunsi wa 5 mu itsinda L.

Uyu mukino wabereye kuri Sitade Mpuzamahanga ya Huye, taliki 18 Kamena 2023 warangiye ikipe ya Mozambique itsinze u Rwanda ibitego 2-0   byatsinzwe na Geny Cipriano Catamo ku munota wa 43 na  Clésio Palmirim David Baúque ku munota wa 4 w’inyongera.

Nyuma yo gutsindwa uyu mukino, ikipe y’u Rwanda amahirwe yo kubona itike yahise ayoyoka  mu gihe hasigaye umukino w’umunsi wa nyuma.

Muri iri tsinda L, ikipe ya Senegal yanganyije na Benin iwayo igitego 1-1, umukino wabaye taliki 17 Kamena 2023.

Kuri ubu ikipe ya Senegal ni yo iyoboye urutonde n’amanota 13, ikurikiwe na Mozambique n’amanota 7, Benin ku mwanya wa 3 n’amanota 5 naho ikipe y’u Rwanda ikaza ku mwanya wa kane wa nyuma n’amanota 2.

Ikipe ya Senegal yamaze kubona itike  naho ikipe ya Mozambique  na Benin zitegereje imikino y’umunsi wa nyuma wa 6 izaba muri Nzeri 2023 aho ikipe ya Mozambique izakira Benin. Ikipe ya Mozambique kugira ngo ibone itike irasabwa kunganya gusa naho Benin yo irasabwa gutsinda.

Undi mukino w’umunsi wa nyuma utazagira icyo uhindura uzahuza ikipe y’u Rwanda na Senegal.

Ikipe y’u Rwanda iheruka kwitabira imikino ya nyuma y’Afurika muri 2004 ubwo yaberaga i Tunis muri Tunisia.

TANGA IGITECYEREZO

AMATEGEKO AGENGA IYANDIKA RY'IGITEKEREZO CYAWE

IZINDI NKURU WASOMA