Ikipe y’Igihugu ya Tanzania ‘Taifa Stars’ ku nshuro ya mbere yageze  muri 1/8 cy’Igikombe cya Afurika naho Uganda yananirwa kurenga amatsinda.

Ku wa Kabiri tariki ya 30 Ukuboza 2025, ni bwo hakinwe imikino ya nyuma E aho Uganda yahuye na Nigeria naho Tanzania ikina na Tunisia.

Nigeria yatsinze Uganda ibitego 3-1 harimo bibiri bya Raphael Onyedika n’ikindi cyatsinzwe na Paul Onuachu.

Igitego cya mbere cyatsinzwe na Onuachu ku munota wa 28, icya kabiri gitsindwa na Onyedika ku munota wa 62 mbere y’uko atsinda icya gatatu ku munota wa 67.

Uganda yasigaye ari abakinnyi 10 mu kibuga ku munota wa 56, ubwo umunyezamu Salim Jamal Magoola yakinaga umupira n’ukuboko ari hanze y’urubuga rw’amahina.

Byatumye hitabazwa umunyezamu wa gatatu ari we Nafian Alionzi kuko uwa mbere, Denis Onyango, yavuyemo mbere y’uko igice cya kabiri gitangira kubera imvune.

Igitego cy’impozamarira cya Uganda cyinjijwe na Rogers Mato habura iminota 15 ngo umukino urangire, ku mupira yahawe na Allan Okello.

Undi mukino, Igitego cya Feisal Salum cyafashije Tanzania kunganya na Tunisia igitego 1-1, ibona itike yo gukina imikino ya 18 cy’Igikombe cya Afurika ku nshuro ya mbere.

Mu wundi mukino, Nigeria yatsinze Uganda ibitego 3-1 izamuka iyoboye itsinda C n’amanota 9/9, ikurikiwe na Tunisia yagize amanota ane, Tanzania yazamutse mu makipe ya gatatu yatsinzwe neza ifite amanota 2/9.

Ni mu gihe Uganda yabaye iya nyuma n’inota rimwe.

Mu itsinda D Sénégal yatsinze umukino ku bitego 3-0, izamuka iyoboye Itsinda D n’amanota arindwi, iyanganya na Repubulika Iharanira Demokarasi ya Congo yatsinze Botswana ibitego 3-0.

Bénin yazamutse ari iya gatatu n’amanota atatu mu gihe Botswana yasezerewe nta nota ifite.

Ibihugu 16 bizakina imikino ya 1/ 8 byamenyekanye.

Harimo Maroc, Mali, Misiri, Afurika y’Epfo, Nigeria, Tunisia, Tanzania, Sénégal, Repubulika Iharanira Demokarasi ya Congo, Bénin, Algeria, Burkina Faso, Sudani, Côte d’Ivoire, Cameroun na Mozambique.

Uko amakipe azahura muri 1/8

Cameroon  vs Afurika y’Epfo

Morocco vs Tanzania 

Algeria vs RDC 

Nigeria vs Mozambique 

Côte d’Ivoire Ivory vs Burkina Faso 

Misiri vs Benin 

Mali vs Tunisia 

Senegal vs Sudani 

Biteganyijwe ko iyi mikino izakinwa tariki 3 na tariki 4 Mutarama 2026.

Ba uwa mbere mu kumenya amakuru agezweho!!!