APR FC ihagarariye u Rwanda mu irushanwa rya CECAFA Kagame CUP 2024 yisanze mu itsinda rya gatatu hamwe SC Villa yo muri Uganda, Singida United yo muri Tanzania na El Merreick yo muri Sudani y’Epfo.

Iyi tombola igaragaza uko amakipe 12 azahura muri CECAFA Kagame Cup 2024 yabaye kuri uyu wa Gatatu tariki 3 Nyakanga 2024.

Uko andi makipe agabanyije mu matsinda

Itsinda rya mbere: Coastal Union (Tanzania) Al Wadi( sudani) JkU ( Zanzibar) na Dekadeha FC ( Somalia).

Itsinda rya Kabiri: AL Hilal ( Sudani) , Gor Mahia ( Kenya), RED Arrows ( Zambia) na TELECOM ( Djibouti).

Ikipe ya mbere muri buri tsinda, wongeyeho iyabaye iya kabiri yitwaye neza kurusha izindi, ni zo zizahita zerekeza muri ½ cy’irangiza.

Iyi mikino iteganyijwe kubera i Dar es Salaam tariki 9-21 Nyakanga 2024. Ku bibuga bya Azam Complex iri Chamazi na KMC Stadium iri Kinondoni.

APR FC iheruka kwegukana CECAFA Kagame Cup mu 2010 itsinze St. George yo muri Ethiopia ibitego 2-0.