FC Barcelona yegukanye Igikombe cya 28 cya Shampiyona
Siporo

FC Barcelona yegukanye Igikombe cya 28 cya Shampiyona

SHEMA IVAN

May 16, 2025

Ikipe ya FC Barcelona yegukanye Igikombe cya Shampiyona y’Icyiciro cya Mbere muri Espagne (La Liga) ku nshuro ya 28, nyuma gutsinda Espanyol ibitego 2-0.

Uyu mukino w’umunsi wa 36 wa Shampiyona wabaye mu ijoro ryo ku  wa Kane tariki ya 15 Gicurasi 2025.

FC Barcelona yagiye kuwukina isabwa gutsinda ikegukana igikombe habura imikino ibiri ngo Shampiyona irangire.

Igice cya mbere cyarangiye amakipe yombi anganya ubusa ku busa.

Mu igice cya kabiri, FC Barcelona yagarukanye imbaraga, maze ku munota wa 53’ Lamine Yamal afungura amazamu ku ishoti rikomeye yatereye hanze y’urubuga rw’amahina.

Umukino ugana ku musozo, Fermín López yatsinze agashinguracumu ku munota wa 95, ku mupira mwiza Lamine Yamal.

Umukino warangiye FC Barcelona yatsinze Espanyol ibitego 2-0, ihita yegukanye Shampiyona ku nshuro ya 28 mu mateka.

Iyi kipe yahise igira amanota 85 irusha Real Madrid ya kabiri arindwi mu gihe hasigaye imikino ibiri ngo Shampiyona irangire.

Iki gikombe cyabaye icya gatatu FC Barcelona yegukanye muri uyu mwaka, nyuma ya Super Coupe na Copa de Rey.

Abakinnyi ba FC Barcelona bishimira igitego cya Lamine Yamal
FC Barcelona yegukanye igikombe cya shampiyona “LaLiga” ku nshuro ya 28

TANGA IGITECYEREZO

  • Japht
    June 25, 2025 at 9:02 pm Musubize

    Andika Igitekerezo hano ejo nzosange mwanshriyeko amakuru mashasha ya fc barcelona

  • Japht
    June 25, 2025 at 9:07 pm Musubize

    Andika Igitekerezo hano ejo nzosange mwashzeko amakuru mashasha avugwa kwa fc barcelona

AMATEGEKO AGENGA IYANDIKA RY'IGITEKEREZO CYAWE

IZINDI NKURU WASOMA