Ikipe ya Rayon Sports, kuri uyu wa Mbere, tariki ya 5 Mutarama 2026, yakuriweho ibihano byo kutandikisha abakinnyi yari yarafatiwe n’Ishyirahamwe ry’Umupira w’Amaguru ku Isi (FIFA).

Ni nyuma yo kwirukana bamwe mu bari abakozi bayo mu buryo bunyuranyije n’amategeko bakajya kuyirega.

Abo barimo Umunya-Brésil Roberto Oliveira Gonçalves do Carmo ’Robertinho’ na rutahizamu ukomoka muri Guinea-Bissau, Adulai Jalo, bayireze bayishinja kubirukana binyuranyije n’amategeko ndetse inamubereyemo umwenda.

Iyi kipe yategetswe kumwishyura ’Robertinho’ ibihumbi 22,5$ [arenga miliyoni 32.7 Frw], by’imishahara y’amezi ane na Adulai Jalo 7000$,

Kuri ubu iyi kipe yambara ubururu n’umweru yamaze kwishyura aya mafaranga yose yasabwa, ihabwa uburenganzira bwo kongeramo abakinnyi bashya muri uku kwezi kwa Mutarama 2026.

Mu rwego rwitegura neza imikino yo kwishyura ya Shampiyona, iyi kipe iheruka gusinyisha abakinnyi batandatu bashya ari bo Kwizera Olivier, Likau Faustin Kitoko, Yannick Bangala, Ben Aziz Dao, Ramazani Tshimanga Tshilembi na Bienvenu Joachim Vignino.

Ba uwa mbere mu kumenya amakuru agezweho!!!