Igikombe cy’Amahoro 2022: Uko amakipe azahura muri ¼

Igikombe cy’Amahoro 2022: Uko amakipe azahura muri ¼

Imvaho Nshya

April 21, 2022

Rayon Sports 3-1 Musanze (3-1)

Kiyovu 1-2 Marines FC (2-2)

Police FC 2-0 La Jeunesse FC (4-2)

Bugesera FC 1-0 Gicumbi FC (1-0)

AS Kigali 0-0 Etincelles FC (2-2)

Mukura 1-3 Etoile de l’est FC (2-3)

APR FC 3-0 Amagaju FC  (4-0)

Sunrise FC 0-1 Gasogi United (1-2)

Imikino ya ¼

Taliki 26-04-2022

Rayon Sports-Bugesera FC

Etoile de l’Est FC-Police FC

AS Kigali-Gasogi United

APR FC -Marines FC

Nyuma y’imikino yo kwishyura ya 1/8 cy’irangiza mu gikombe cy’Amahoro 2022, hamenyekanye uko amakipe azahura muri ¼ cy’iragiza.

Iyi mikino  yo kwishyura ya 1/8  cy’irangiza yabaye taliki 19,20 na 21 Mata 2022. Ikipe ya Rayon Sports iheruka kwegukana iki gikombe muri 2016 yasezereye Musanze FC ku bitego 3-1 mu mikino yombi.

 Ikipe ya Kiyovu yageze ku mukino wa nyuma muri 2019 yasezerewe na Marines FC nyuma yo kunganya ibitego 2-2. Umukino ubanza Kiyovu yatsindiye Marines FC i Rubavu igitego 1-0 naho umukino wo kwishyura wabereye kuri Sitade ya Kigali i Nyamirambo, Marines FC itsinda Kiyovu ibitego 2-1. Marines FC yakomeje kubera ko  yatsindiye ibitego byinshi hanze.

Ikipe ya Police FC iheruka kwegukana iki gikombe muri 2015  yasezereye La Jeunesse FC ku bitego 4-2. Umukino ubanza Police FC yanganyije na La Jeunesse FC ibitego 2-2, umukino wo kwishyura Police FC itsinda ibitego 2-0.

Bugesera FC  yakomeje muri ¼ cy’irangiza  isezereye ikipe ya Gicumbi FC ku gitego 1-0 mu mikino yombi.

Ikipe ya AS Kigali ifite igikombe giheruka cya 2019 yasezereye Etincelles FC nyuma yo kunganya  ibitego 2-2. Umukino ubanza wabereye i Rubavu, aya amakipe yaganyije ibitego 2-2 naho umukino wo kwishyura aya makipe anganya 0-0. AS Kigali yakomeje kubera ko yatsindiye ibitego byinshi hanze.

Ikipe ya Mukura yegukanye igikombe cy’Amahoro muri  2018 yasezerewe na Etoile de l’Est FC ku bitego 3-1 mu mikino yombi. Umukino ubanza wabereye i Ngoma, Mukura yatsinze igitego 1-0 naho mu mukino wo kwishyura, Mukura itsindirwa ku kibuga cyayo ibitego 3-1.

Ikipe ya Gasogi United yakomeje muri ¼ cy’irangiza isezereye Sunrise FC ku bitego 2-1. Umukino ubanza izi kipe zanganyije igitego 1-1 naho mu mukino wo kwishyura wabereye i Nyagatare, Gasogi United itsinda Sunrise FC igitego 1-0.

Ikipe ya APR FC iheruka kwegukana igikombe cy’Amahoro 2017 yakomeje muri  ¼  cy’irangiza isezereye Amagaju FC ku bitego 4-0. Umukino ubanza APR FC yatsinze igitego 1-0 naho umukino wo kwishyura APR FC itsinda Amagaju FC ibitego3-0.

Gahunda y’imikino ya ¼

Imikino ya ¼ cy’irangiza ibanza biteganyijwe ko izaba taliki 26 Mata 2022. Ikipe ya Rayon Sports izakina na Bugesera FC,  Etoile de l’Est FC ikine na Police FC, AS Kigali ikine na Gasogi United naho  APR FC ikine na Marines FC. Imikino yo kwishyura  ya ¼ izaba taliki 04 Gicurasi 2022.

TANGA IGITECYEREZO

AMATEGEKO AGENGA IYANDIKA RY'IGITEKEREZO CYAWE

IZINDI NKURU WASOMA