Isiraheli- Palestine: Nta mahoro arambye hadakoreshejwe inzira ya politiki- Macron  

Isiraheli- Palestine: Nta mahoro arambye hadakoreshejwe inzira ya politiki- Macron  

Imvaho Nshya

October 25, 2023

Perezida w’u Bufaransa ubwo yasuraga Isiraheli kuri uyu wa Kabiri agakomereza urugendo i Ramallah muri Palestine yavuze ko ibyo bihugu byombi bidashobora kugera ku mahoro arambye mu gihe haba hadakoreshejwe ibiganiro, ngo ibibazo bihari bikemuke binyuze mu nzira ya politiki.

Perezifa w’u Bufaransa Emmanuel Macron yamaganye imibabaro y’abasivili muri Gaza.

Nyuma y’uruzinduko rw’ubufatanye muri Isiraheli Perezida w’u Bufaransa Emmanuel Macron yibanze ku irekurwa ry’abantu bafashwe bugwate ndetse no gusubukura ibiganiro by’amahoro. Perezida w’u Bufaransa yagiye i Ramallah muri Cisjordanie aho yahuye na Perezida wa Palesitine Mahmoud Abbas.

Emmanuel Macron yabaye umuyobozi wa mbere wo mu gice cy’Iburengerazuba wasuye icyicaro cy’ubuyobozi bwa Palesitine kuva ku ya 7 Ukwakira hatangiye intambara hagati ya Isiraheli n’umutwe w’abayisilamu bo muri Palesitine Hamas.

Nkuko yari yarabikoze mbere i Yeruzalemu, Perezida w’u Bufaransa i Ramallah yashimangiye ko hakenewe “gutangiza byimazeyo inzira ya politiki hamwe n’Abanyapalestine”, ibihugu byombi bikagira ibyo byemeranyaho.

Ati: “Nta mahoro arambye azabaho niba hatabayeho uburenganzira bwemewe bw’abaturage ba Palesitine bwo kugira igihugu. Na Leta Nta mahoro arambye azabaho niba abaturage ba Palesitine ndetse n’abayobozi bo muri Isiraheli batabigizemo uruhare.

Mahmoud Abbas yagize ati: “Turabasaba, Perezida Macron, guhagarika ubu bugizi bwa nabi”.

Perezida wa Palesitine Mahmoud mu magambo akaze cyane yamaganye ibisasu byatewe na Isiraheli mu karere ka Gaza “byica abaturage b’inzirakarengane mu buryo bubi”.

Minisiteri y’Ubuzima ya Hamas ivuga ko abantu 5.791 bamaze kuhasiga ubuzima kuva ku ya 7 Ukwakira 2023, ndetse na Isiraheli yagabye ibitero mu karere ka Hamas.

Iraswa ry’ibyo bisasu ni igisubizo ku gitero kitigeze kibaho cyakozwe uwo munsi na Hamas kikaba cyarahitanye abantu barenga 1.400, mu gihe abantu 200 bari bafashwe bugwate.

NYIRANEZA JUDITH

TANGA IGITECYEREZO

AMATEGEKO AGENGA IYANDIKA RY'IGITEKEREZO CYAWE

IZINDI NKURU WASOMA