Igitaramo cyiswe ‘The Last Night’ cy’umuhanzi Kevin Kade yizihirijemo imyaka itanu amaze akora umuziki, cyerekanye isura y’umuziki wo mu Rwanda kinahurirana no kwishimira gutangira umwaka mushya wa 2026. Igitaramo cyabereye mu mbuga ya Kigali Convention Center, ku mugoroba wo ku wa 31 Ukuboza 2025.

Muri iki gitaramo umuhanzi Ali Kiba yatangarije Abanyarwanda ko umuhanzikazi ‘Mutima’ yamaze gusinyishwa mu nzu ye itunganya imiziki ikanafasha abahanzi yise ‘Kings Music Records’, abasaba kumushyigikira.

Mu bahanzi bagaragaye ku rubyiniro kandi bagashimisha abafana, barimo Kevin Kade, Bwiza, Shemi, Bruce The 1st, Kenny K-Shot, Bulldogg, Ruti Joël na Kesho Band, Shaffy, Symphony Band, Bushali, Riderman, Diez Dola na Ariel Wayz

Abitabiriye igitaramo bahawe umwanya wo gukurikirana ijambo risoza umwaka wa 2025, Perezida Paul Kagame yagejeje ku Banyarwanda abifuriza umwaka mushya wa 2026 ariko anagaragaza intambwe igihugu cyateye mu bukungu, anatanga umukoro ku banyarwanda, ko bagomba gukoresha neza amikoro igihugu gifite.

Amafoto: Olivier Tuyisenge

Ba uwa mbere mu kumenya amakuru agezweho!!!