Umuhanzi Jose Chameleone wo muri Uganda yatangiye gushyira mu bikorwa imishinga y’iterambere yabimburiwe na sitidiyo ya Radio yari yasezeranye ko azubaka mu gihugu cy’u Burundi.

Mu mpera z’umwaka wa 2025, Umuhanzi Jose Chameleone yakoze uruhererekane rw’ibitaramo mu bihugu bitandukanye bituranye na Uganda mu rwego rwo gushimisha abakunzi be babanye na we mu bihe by’uburwayi yari avuyemo.

Mu butumwa yasangije abamukurikira kuri Instagram ye Chameleone yasangije amajwi ariho ikirango cy’iyo Radio bigaragara izamwitirirwa.

Muri ayo majwi azwi nka Jingle bagiraga bati:” Mwaramutse Bujumbura ni Chameleone F.M 94.9.”

Jose Chameleone ayubatse nyuma y’uko yari yatangarije Abarundi ko ateganya kuzubaka radio na studio itunganya umuziki i Burundi mu 2025.

Yabigarutseho ubwo yitabiraga ibirori byiswe ‘Inkerebutsi Day 2025’ mu rwego rwo gufasha abahanzi bakizamuka.

Umushinga wa Radiyo Chameleone awutangiye ubimburiye indi mishinga itandukanye irimo n’ishuri ryigisha umuziki ateganya kubaka muri Sudani y’Epfo.

Jose Chameleone atangiye gushora mu bikorwa biteza imbere umuziki nyuma gato y’uko mu 2025, yibasiwe n’uburwayi bwanatunye abuzwa kunywa inzoga n’itabi agaragaza ko yiyemeje gukora ibikorwa byo guteza imbere umuziki mu rwego rwo kwitura abakunzi be baherereye hirya no hino mu bihugu bituranye na Uganda.

Chameleone yamenyekanye mu ndirimbo zirimo Bayuda, Nekolela mali, Shida za Dunia, Djamila n’izindi akaba amaze imyaka isaga 35 mu muziki.

Ba uwa mbere mu kumenya amakuru agezweho!!!