Niger yatangaje icyunamo cy’iminsi itatu kubera abasirikare 29 bishwe
Uncategorized

Niger yatangaje icyunamo cy’iminsi itatu kubera abasirikare 29 bishwe

Imvaho Nshya

October 3, 2023

Ku gicamunsi cyo ku wa Mbere ni bwo ingabo zo mu mutwe ushinzwe kurinda Umukuru w’Igihugu zaguye mu gico cy’abarwanyi bikekwa ko ari abo mu mutwe w’iterabwoba wa Leta ya kisilamu maze bicamo abasirikare 29.

Mu Gitondo cyo kuri uyu wa Kabiri iki gihugu cyashyizeho icyunamo cy’iminsi itatu mu gihugu hose mu rwego rwo kunamira aba basirikare 29.

Minisiteri y’Ingabo y’iki gihugu yavuze ko abasirikare 29 biciwe mu gico cy’umutwe w’iterabwoba wa Leta ya Kisilamu mu gace ka Takanamat mu burengerazuba bw’iki gihugu ku mupaka ubahuza na Mali.

Iki gitero ni cyo gikomeye iki gihugu gihuye nacyo kuva hahirikwa ubutegetsi bwa Mohamed Bazoum wari perezida w’iki gihugu muri Nyakanga uyu mwaka.

SHEMA IVAN

TANGA IGITECYEREZO

AMATEGEKO AGENGA IYANDIKA RY'IGITEKEREZO CYAWE

IZINDI NKURU WASOMA