Rayon sports yarekuye Rwatubyaye, asubira muri Macedonia
Siporo

Rayon sports yarekuye Rwatubyaye, asubira muri Macedonia

SHEMA IVAN

February 9, 2024

Rayon sports yemeje ko yatandukanye na Kapiteni wayo, Rwatubyaye Abdul wasubiye muri Shampiyona ya Macedonia mu ikipe ya KF Shkupi yaherukagamo muri 2021 asinya amasezerano y’imyaka ibiri.

Iyi kipe yabitangaje kuri uyu wa Gatanu tariki 9 Gashyantare 2024 nyuma yo kumvikana n’ikipe ya FC Shkupi aguzwe agera ku bihumbi 30 by’amadolari y’Amerika.

Mu mpera z’icyumweru gishize ni bwo Rwatubyaye yerekeje muri Turikiya aho iyi kipe iri gukorera umwiherero yitegura umwaka mushya w’imikino. Icyo gihe Gikundiro yavugaga ko akiri umukinnyi wayo ahubwo ifata nk’uwataye akazi.

Ni ku nshuro ya kabiri Rwatubyaye asubiye muri FC Shkupi yo mu cyiciro cya mbere muri Macedonia yari yaragezemo mu 2021 ariko akaza gutandukana nayo mu 2022 kubera ikibazo cy’imvune.

Kugeza ubu KF Shkupi muri shampiyona ya Macedonia iri ku mwanya wa kabiri n’amanota 38 mu mikino 18.

TANGA IGITECYEREZO

AMATEGEKO AGENGA IYANDIKA RY'IGITEKEREZO CYAWE

IZINDI NKURU WASOMA