Sghir Hammadi yagizwe Umutoza Mukuru w’Amagaju FC
Umubiligi Sghir Hammadi yagizwe Umutoza Mukuru w’Amagaju FC ahabwa inshingano zo kuyigumisha muri Shampiyona y’icyiciro cya mbere.
Ku mugoroba ku wa Kabiri, tariki ya 3 Gashyantare 2026, ni bwo iyi kipe yabitangaje binyuze ku mbuga nkoranyambaga zayo, aho yasinye amasezerano y’amezi atandatu.
Mu ntangiriro za Mutarama 2026, Amagaju FC yafashe icyemezo cyo gutandukana na Niyongabo Amars wari umutoza wayo n’abungiriza be, nyuma y’uko atsinzwe na Al Hilal SC ibitego 8-0.
Uyu mugabo w’imyaka 41 nta akazi kuva mu Ukwakira 2025, nyuma yo gutandukana na Ismaily yo mu Misiri yarimo nk’umutoza wungirije.
Yanyuze mu y’andi makipe y arimo Yanga Africans yo muri Tanzania mu mwaka w’imikino wa 2021/ 22 na Merrikh SC yo muri Sudani mu mwaka w’imikino wa 2020/ 2021 aho hose yari umutoza wungirije.
Asanze Amagaju FC ari mu makipe arwanirwa kuguma mu Cyiciro cya Mbere, dore ko yasoje imikino ibanza ari Ku mwanya wa 16 mu makipe 18 n’amanota 13.
Umukino we wa mbere azahura na Gicumbi FC ku Cyumweru tariki ya 8 Gashyantare 2026, mu mukino w’Umunsi wa 18 wa Shampiyona y’u Rwanda.
TANGA IGITECYEREZO
AMATEGEKO AGENGA IYANDIKA RY'IGITEKEREZO CYAWE
IZINDI NKURU WASOMA
