Tchad: Minisitiri w’Ingabo n’Umunyamabanga mukuru wa Guverinoma beguye

Tchad: Minisitiri w’Ingabo n’Umunyamabanga mukuru wa Guverinoma beguye

Imvaho Nshya

October 18, 2023

Minisitiri w’Ingabo wa Tchad Daoud Yaya Brahim n’Umunyamabanga mukuru wa Guverinoma Haliki Choua Mahamat beguye ku mirimo yabo kuri uyu wa Gatatu, nyuma y’amashusho yakwirakwijwe ku mbuga nkoranyambaga abagaragaza bakora imibonano mpuzabitsina n’abandi bantu.

Minisitiri w’Intebe wa Tchad Saleh Kebzabo, yemeye ukwegura kwa Minisitiri w’Ingabo Daoud Yaya Brahim n’Umunyamabanga mukuru wa Guverinoma, Haliki Choua Mahamat, nyuma y’amashusho atandukanye yakwirakwijwe cyane ku mbuga nkoranyambaga bakora imibonano mpuzabitsina ariko nta makuru meshi yabitangajeho.

Reuters dukesha iyi nkuru yanditse ko ayo mashusho yakwirakwijwe ku Cyumweru no ku wa Mbere, bivugwa ko yerekanaga abo bagabo bishora mu mibonano mpuzabitsina n’abandi bantu, nubwo itabashije kuvugana n’umwe ngo agire icyo abitangazaho.

Amashusho y’urukozasoni ntasanzwe muri Tchad, ni igihugu cyiganjemo Abayisilamu kandi gifite imyitwarire iboneye.

KAMALIZA AGNES

TANGA IGITECYEREZO

AMATEGEKO AGENGA IYANDIKA RY'IGITEKEREZO CYAWE

IZINDI NKURU WASOMA