U Rwanda rwatangiye neza Igikombe cya Afurika cya Handball

Amakuru

U Rwanda rwatangiye neza Igikombe cya Afurika cya Handball

SHEMA IVAN

January 22, 2026

Ikipe y’Igihugu y’u Rwanda y’umukino w’amaboko (Handball), yatangiye imikino y’igikombe cya Afurika yitwara neza nyuma yo gutsinda Zambia ibitego 30-19, kuri uyu wa Gatatu, tariki ya 21 Mutarama 2026.

Uyu mukino wabereye muri BK Arena, wabanjrijwe n’ibirori byo gufungura ku mugaragaro iri rushanwa riri kuba ku nshuro ya 27 aho ryitabiriwe n’ibihugu 16.

Ibi birori byitabiriwe n’abarimo Minisitiri wa Siporo Nelly Mukazayire, Perezida w’Impuzamashyirahamwe y’Umukino wa Handball muri Afurika (CAHB), Dr. Mansourou Aremou na Perezida w’Ishyirahamwe ry’Umukino wa Handball mu Rwanda, Twahirwa Alfred.

Ikipe y’igihugu y’u Rwanda yatangiye neza umukino ibifashijwemo n’abarimo Kayijamahe Yves na Mbesutunguwe Samuel batsindaga ibitego byinshi aho ku munota wa 20 yari ifite ibitego 12-6.

U Rwanda rwakomeje kugenda imbere ya Zambia n’ibitego by’ikinyuranyo bikomeza kuzamuka kugeza igice cya mbere kirangiye ari ibitego 17 kuri 8.

Mu gice cya kabiri, abatoza b’u Rwanda bakurikiwe na Hafedh Zouabi, bakoze impinduka bashyiramo

bakinnyi batatu bashya.

Izi mpinduka zahaye amahirwe Zambia itangira kugabanya ikinyuranyo cy’ibitego binyuze mu bakinnnyi nka Audriscal.

Ku munota wa 20 w’igice cya kabiri, u Rwanda rwongeye ikinyuranyo cy’ibitego abarimo Kayijamahe Yves na Emmanuel Kubwimana batsinda.

Umukino warangiye u Rwanda rutsinze Zambia ibitego 30-19, rutangira neza igikombe cya Afurika.

Kayijamahe Yves w’u Rwanda, watsinze ibitego 10, ni we wabaye umukinnyi w’umukino.

U Rwanda ruzasubira mu kibuga kuri uyu wa Kane, rukina na Algeria saa 19:00.

Undi mukino wabaye muri iri tsinda, Ikipe y’Igihugu ya Nigeria yatsinze Algeria ibitego 25-23.

Mu yindi mikino yabaye mu itsinda rya kabiri, Misiri ifite igikombe cya Afurika giheruka muri Handball, yatangiye neza itsinda Gabon ibitego 36-25 naho Angola itsinda Uganda ibitego 27-21.

Mu itsinda rya gatatu, Tunisia yatsinze Cameroon ibitego 41-22 mu gihe Guniea yatsinze Kenya ibitego 36-27.

Ni mu gihe mu itsinda rya Kane, Cape- Verde yatsinze Congo Brazzaville ibitego 34-28 naho Morocco itsinda Benin ibitego 52-29.

Muri iri rushanwa, ibihugu bitanu bya mbere bizaserukira Umugabane wa Afurika mu Gikombe cy’Isi cya Handball kizabera mu Budage mu 2027.

Kayijamahe Yves wagize umukino mwiza ageregeza gutsinda igitego

Abanyarwanda bari benshi gushyigikira ikipe y’igihugu

U Rwanda rwatangiye neza imikino y’Igikombe cya Afurika

Minisitiri wa Siporo, Nelly Mukazayire, yashimiye Perezida wa Repubulika ku bikorwaremezo bituma u Rwanda rwakira amarushanwa nk’aya

Mascot’ y’Igikombe cya Afurika cyatangiye kubera i Kigali ntiyatanzwe mu birori bitangiza irushanwa

Ba uwa mbere mu kumenya amakuru agezweho!!!

TANGA IGITECYEREZO

AMATEGEKO AGENGA IYANDIKA RY'IGITEKEREZO CYAWE

U Rwanda rwatangiye neza Igikombe cya Afurika cya Handball

TANGA IGITECYEREZO

IZINDI NKURU WASOMA

Kwibuka 32: Abanyarwanda baba muri Sudani y’Epfo bibutse Jenoside yakorewe Abatutsi mu 1994

Musanze: Bifuza ko inzibutso za Kinigi na Busogo zubakwa mu buryo bujyanye n’igihe

Kwibuka 32: Jose Chameleone yahumurije abarokotse Jenoside yakorewe Abatutsi

Iran na Amerika bagiye guhurira mu biganiro by’amahoro muri Pakistan

Uburyo bukoreshwa mu guhakana no gupfobya Jenoside yakorewe Abatutsi mu 1994

Kwibuka 32: Inzego z’umutekano z’u Rwanda muri Mozambique zibutse Jenoside yakorewe Abatutsi

Kwibuka 32: Ishyaka PL ryiyemeje guhangana n’abapfobya Jenoside yakorewe Abatutsi

Ambasade y’u Rwanda muri Korea y’Epfo yibutse Jenoside yakorewe Abatutsi mu 1994

Kwibuka 32: Ubutumwa bw’ibyamamare buhumuriza abarokotse Jenoside

Kwibuka 32: Senderi yagaragaje icyamuteye gusubiramo indirimbo amaze imyaka 26 akoze