Isiraheli na Leta Zunze Ubumwe za Amerika bagabye ibitero kuri Iran, nta kuzuyaza Teheran, umurwa mukuru wa Iran, yihimura igaba ibitero ku birindiro bya Amerika biherereye mu Burasirazuba bwo Hagati.

Mu gihe Isiraheli yatangaje ko yagabye ibitero ku murwa mukuru wa Irani, Teheran kuri uyu wa Gatandatu, tariki ya 28 Gashyantare, Perezida wa Amerika Donald Trump, yagaragaje ko Leta Zunze Ubumwe za Amerika zirimo kugira uruhare mu bikorwa by’ibitero kuri Iran, hakaniyongeraho uruhare rwayo mu gitero cya Isiraheli.

Ku rundi ruhande, ingabo za Isirayeli zatangaje ko zabonye ibisasu bya Iran byatewe mu rwego rwo kwihorera.

Ibisasu byinshi byaturitse muri Tehran na Ispahan, kandi no mu yindi mijyi myinshi yo mu Burasirazuba bwo Hagati, by’umwihariko harimo n’ibirimo ibirindiro bya Amerika, nk’uko byatangajwe n’abanyamakuru n’abatangabuhamya.

Nyuma gato y’ibitero bya mbere bya Isiraheli, Perezida wa Amerika Donald Trump yatangaje ko Leta Zunze Ubumwe za Amerika nazo zatangiye “ibikorwa bikomeye by’intambara” kuri Irani, byemeza ko Washington yagize uruhare mu gitero cya Isiraheli.

Mu butumwa bwagaragaraga mu mashusho ku rubuga rwe rwa Truth Social, yanasezeranyije gusenya ubushobozi bwa za misile za Repubulika ya Kiyisilamu no guca intege abasirikare bayo barwanira mu mazi, yemeza ko intego ya Amerika ari ugukuraho iterabwoba rya Tehran. Yabwiye abaturage ba Iran ati: “Igihe cyo kwibohora kiri hafi.”

Nk’uko bivugwa na Isiraheli, Iran yamaze gutangiza igitero cyo kwihorera, aho ingabo zayo zikoresha amajwi arangurura avugira mu bice byinshi by’igihugu nyuma yo kumenya za misile zaturutse muri Iran zerekeza muri Isirayeli, nk’uko byatangajwe n’igisirikare cyabivuze.

Isiraheli yatangaje ko ifunze ikirere cyayo n’itangira ry’ibihe bidasanzwe nk’uburyo bwo kwirinda kwihorera kwa Iran.

Muri Iran, yafunze ikirere cyayo, guhamagara kuri telefoni byahagaze, murandasi ntikora neza, nk’uko bivugwa n’umunyamakuru w’Ibiro Ntaramakuru y’u Bufaransa (AFP).

Ibyo bitero bibaye mu gihe Leta Zunze Ubumwe za Amerika na Iran bari mu biganiro ku bijyanye na gahunda ya kirimbuzi ya Teheran, hamwe n’ibiganiro byabaye ku wa Kane no ku wa Kane tariki ya 26 Gashyantar, no ku wa Gatanu, tariki ya 27 Gashyantare, muri Oman.

Muri ibyo biganiro, Iran yemeye kutabika uranium, nk’uko Minisitiri w’Ububanyi n’Amahanga wa Oman yabitangaje ku wa Gatanu, tariki ya 27 Gashyantare. Ibindi biganiro byari biteganyijwe ku wa Mbere, tariki ya 2 Werurwe, bikaba bitagishobotse kuba, bigakomwa mu nkokora kubera ibyo bitero byagabwe.

Ubwo butegetsi bushobora kwihorera bukavusha amaraso kugira ngo bukomeze kubaho, nk’uko bivugwa n’umuhanga mu by’imibereho.

Intego za Donald Trump muri iyi ntambara zisa n’izirimo gutegura inzira yo guhirika ubutegetsi bwa Repubulika ya Kiyisilamu ya Iran, ubwo butegetsi bushobora kwihorera kumena amaraso kugira ngo bukomeze kubaho, nk’uko bivugwa n’umuhanga mu by’imibereho y’abaturage Azadeh Kian, aganira n’umunyamakuru Aabla Jounaidi, wo muri serivisi mpuzamahanga ya Radiyo mpuzamahanga y’Abafaransa (RFI).

Nyuma y’ibitero by’indege bya Amerika na Isiraheli ku butaka bwa Irani, Ikigo cy’ubwikorezi bw’indege cy’u Burusiya (Rosaviatsia) cyatangaje kuri uyu  wa Gatandatu ko ingendo z’indege ziva mu Burusiya zigera muri Irani na Isirayeli zahagaritswe, kugeza igihe hazatangarizwa andi mabwiriza.

Bitewe n’ifungwa ry’ikirere muri Qatar, de l’Irak, du Koweït, Bahreïn, n’ifungwa ry’igice cy’ibihugu by’Abarabu, Rosaviatsia yongeyeho ko yategetse ibigo by’indege by’u Burusiya gukoresha izindi nzira zinyura mu bihugu bitari mu Muryango w’Ubumwe bw’u Burayi kugira ngo bikore ingendo zabyo mu kigobe cya Perse.

Qatar itangaza ko yahagaritse ibitero byinshi byibasira ubutaka bwayo.

Minisiteri y’Ingabo ya Qatar yatangaje ko kuri uyu wa Gatandatu yasubije inyuma ibitero byinshi bya misile byibasira leta ya Golfe kandi ibisasu byumvikanye hagati muri Doha no hafi y’ikigo cy’indege cya Al-Udeid, ikigo kinini cya gisirikare cya Amerika muri ako Karere.

Ba uwa mbere mu kumenya amakuru agezweho!!!