Umuhanzi Niyo Bosco yasezeranye n’umukunzi we Mukamisha Irene batangira urugendo rwo kubaka umuryango.

Ni ibirori byabanzirijwe n’imisango yo gusaba no gukwa byose byabaye kuri uyu wa 16 Mutarama 2026, bubera mu busitani bwa ‘Kaleb Garden’ buherereye ku musozi wa Rebero.

Umubano w’aba bombi wahawe umugisha imbere y’Imana biyoborwa n’umushumba w’itorero Iriba ry’Agakiza ku gicamunsi cyo kuri uyu wa Gatanu.

Ni ibirori byitabiriwe n’ibyamamare bitandukanye birimo umuhanzikazi Bwiza, Nyambo Jesca, Nana uzwi muri sinema n’abandi bose bari bagaragiye Niyo Bosco.

Ubukwe bwa Niyo Bosco na Mukamisha byasusurukijwe na Munganyinka Alouette wafatanyije n’izindi ndirimbo Intore bungikanyaga amajwi abatumiwe bakizihirwa.

Urugendo rwo kwitegura kurushinga rwatangiye rw’abo bombi, tariki 17 Nzeri 2025, ubwo Niyo Bosco yambikaga umukunzi we, impeta y’urukundo akamusaba kumubera mutima w’urugo undi na we agahita amwemerera.

Niyo Bosco yamenyekanye mu ndirimbo zitandukanye zirimo izo kuramya no guhimbaza Imana n’izisanzwe zirimo “Ubigenza Ute? Ibanga, Dady God n’izindi nyinshi.

Ba uwa mbere mu kumenya amakuru agezweho!!!