Volleyball: Ikipe ya Gisagara VC yatangiye imikino y’Afurika yitwara neza

Volleyball: Ikipe ya Gisagara VC yatangiye imikino y’Afurika yitwara neza

Imvaho Nshya

May 8, 2022

Gisagara VC 3-1 Port de Douala

Taliki 09-05-2022

Equity Bank-Gisagara VC (18h00)

Ikipe ya Gisagara VC yitwaye neza itsinda umukino wa mbere mu mikino y’Afurika y’amakipe yabaye aya mbere iwayo mu bagabo  “Men’s African Volleyball Clubs Championship 2022” irimo kubera muri Tunisia.

Muri uyu mukino wabaye taliki 08 Gicurasi 2022, Gisagara VC  yatsinze ikipe ya Port de Douala yo muri Cameroun amaseti 3-1 (25-18, 20-25, 25-21 na 31-29).

Nyuma yo gutsinda umukino wa mbere, umutoza mukuru wa Gisagara VC, Nyirimana Fidele yatangaje ko umukino wari mwiza nubwo wabagoye mu kuwutegura. Yashimiye abakinnyi uburyo bitwaye ndetse anongeraho ko gutangira irushanwa batsinda bituma abakinnyi bagira ishyaka

Kapiteni wa Gisagara VC, Akumuntu Kavalo Patrick yavuze ko iyi kipe ari yo bari biteze ko ikomeye kandi ko basanzwe bahangana na yo. Yakomeje avuga ko  intego bafite ari ugukomeza gutsinda imikino ibiri isigaye mu itsinda kugira ngo bazazamuke ari aba mbere bahure n’ikipe  yoroshye muri ¼ .

Ikipe ya Gisagara VC iri mu itsinda D hamwe na Port de Douala (Cameroun), Nigeria Customs (Nigeria) na Equity Bank (Kenya).

Mu wundi mukino wo muri iri tsinda D, ikipe ya Nigeria Customs  yatsinze Equity Bank VC yo muri Kenya amaseti 3-0 (25-21, 25-12 na 25-19).

Ku munsi wa kabiri w’iri rushanwa, taliki 09 Gicurasi 2022, ikipe ya Gisagara VC irakina na Equity Bank (Kenya)  saa kumi n’imwe (17h00) muri Tunisia akaba ari saa kumi n’ebyiri (18h00) mu Rwanda.

Muri iri tsinda kandi ikipe ya Nigeria Customs nyuma yo gutsinda umukino wa mbera irakina na Port de Douala.

TANGA IGITECYEREZO

AMATEGEKO AGENGA IYANDIKA RY'IGITEKEREZO CYAWE

IZINDI NKURU WASOMA