Mu batarengeje imyaka 18

Taliki 25-10-2022

Rwanda-Burundi (Nyayo-14h00)

Taliki 26-10-2022

Somalia-Rwanda (Nyayo-12h00)

Taliki 27-10-2022

Rwanda-Uganda (Nyayo-14h00)

Mu batarengeje imyaka 20

Taliki 25-10-2022

Rwanda-Djibouti (Ulinzi-18h00)

Taliki 26-10-2022

Somalia-Rwanda (Ulinzi-12h00)

Taliki 27-10-2022

Rwanda-Ethiopia (Ulinzi-18h00)

Kuva taliki 25 kugeza 29 Ukwakira 2022 i Nairobi muri Kenya  hazabera imikino y’Akarere ka 5 mu mukino wa Handball mu cyiciro cy’abatarengeje imyaka 18 na 20  mu bahungu  “IHF Challenge Trophy 2022”.

Ku wa Kane taliki 20 Ukwakira 2022 ni bwo hatangajwe uko amakipe azahura muri ibi byiciro byombi.

Mu batarengeje imyaka 18

Mu cyiciro cy’abatarengeje imyaka 18 hari amakipe 8 yashyizwe mu matsinda abiri aho itsinda A rigizwe n’u Rwanda, Uganda, Burundi  na Somalia naho itsinda B rikaba rigizwe na  Kenya, Ethiopia, Djibouti na South Sudan.

Ikipe y’u Rwanda U-18 izatangira ikina n’u Burundi taliki 25 Ukwakira 2022 saa munani i Nairobi (14h00) akaba ari saa saba mu Rwanda (13h00). Taliki 26 Ukwakira 2022, ikipe y’u Rwanda izakina na Somalia saa sita (12h00) i Nairobi akaba ari saa tanu (11h00) mu Rwanda.

Umukino wa nyuma mu itsinda, ikipe y’u Rwanda izakina na Uganda taliki 27 Ukwakira 2022 saa munani i Nairobi (14h00) akaba ari saa saba (13h00) mu Rwanda. Iyi mikino yose izabera kuri Sitade Nyayo.

Nyuma y’imikino y’amajonjora, taliki 28 Ukwakira 2022 hazakinwa imikino ya ½  naho taliki 29 Ukwakira 2022 hakba umukino wa nyuma n’uwo guhatanira umwanya wa gatatu.

Mu batarengeje imyaka 20

Mu cyiciro cy’abatarengeje imyaka 20 na ho  hari amakipe 8  aho yashyizwe mu matsinda abiri, itsinda A rigizwe na Kenya, Uganda, Burundi na South Sudan naho itsinda B ririmo u Rwanda, Ethiopia, Djibouti na Somalia.

Ikipe y’u Rwanda U-20  taliki 25 Ukwakira 2022 izatangira irushanwa ikina na Djibouti  saa kumi n’ebyiri i Nairobi (18h00) akaba ari saa kumi n’imwe mu Rwanda (17h00). Umukino wa kabiri,  taliki 26 Ukwakira 2022, ikipe y’u Rwanda izakina na Somalia saa sita (12h00) i Nairobi akaba ari saa tanu (11h00) mu Rwanda.

Taliki 27 Ukwakira 2022 ni bwo ikipe y’u Rwanda izakina umukino wa nyuma mu itsinda na Ethiopia saa kumi n’ebyiri (18h00) i Nairobi akaba ari saa kumi n’imwe mu Rwanda (17h00).

Nyuma y’imikino y’amajonjora mu matsinda, taliki 28 Ukwakira 2022 hazakinwa imikino ya ½  naho taliki 29 Ukwakira 2022 hakaba umukino wa nyuma n’uwo guhatanira umwanya wa gatatu.

Mu rwego rwo kwitegura iri rushanwa, guhera taliki 14 Ukwakira 2022, abakinnyi b’ikipe y’u Rwanda U-18 na U-20 batangiye umwiherero  mu Karere ka Huye.

Biteganyijwe ko bazahaguruka mu Rwanda berekeza muri Kenya  ku Cyumweru taliki 23 Ukwakira 2022.

Ba uwa mbere mu kumenya amakuru agezweho!!!