Tour du Rwanda 2022 : Geniez Alexandre yongeye kwegukana intera

Tour du Rwanda 2022 : Geniez Alexandre yongeye kwegukana intera

NTAWITONDA JEAN CLAUDE

February 24, 2022

Muhanga-Musanze (129,9 km)

1. Geniez Alexandre 03h12’14”

2. Rolland Pierre 03h12’17”

3. Manizabayo Eric 03h12’33”

4. Mulueberhan Henok 03h12’34”

5. Madrazo Ruiz Angel 03h12’34”

Urutonde rusange (562, 4 km)

1. Madrazo Ruiz Angel 13h57’52”

2. Tesfazion Natnael 13h57’52”

3. Budiak Anatolii 13h57’58”

4. Mulueberhan Henok 13h57’59”

5. Ewart Jesse 13h58’05”

Imyanya Abanyarwanda bariho

8. Muhoza Eric 13h59’28”

13. Manizabayo Eric 14h00’02”

17.  Nsengimana Jean Bosco 14h02’04”

22. Uwiduhaye 14h06’35”

23.  Niyonkuru Samuel 14h06’41”

38.  Iradukunda Emmanuel 14h15’17”

39.  Mugisha Moise 14h16’02”

44. Mugisha Samuel 14h19’15”

47. Hakizimana Seth 14h19’54”

50. Byukusenge Patrick 14h20’06”

55. Uhiriwe Byiza Renus 14h24’07”

66. Rugamba Janvier 14h38’51”

Taliki 25-02-2022

Musanze-Kigali (152 km)

Geniez Alexandre ukomoka mu Bufaransa akaba akinira ikipe ya Total Energies  nyuma yo kwegukana intera ya mbere  ya Tour du Rwanda 2022 yongeye kwegukana intera ya gatanu yavaga i Muhanga igasorezwa i Musanze.

Iyi ntera yakinwe kuri uyu wa Kane taliki 24 Gashyantare 2022, abakinnyi 79 bahagurutse i  Muhanga banyura i Kigali basoreza i Musanze bakoze intera ya kilometero 129.9, Geniez Alexandre yabaye uwa mbere akoresheje  amasaha 3, iminota 12 n’amasegonda 14, yakurikiwe na  Rolland Pierre ukinira ikipe ya B&B Hotels – KTM mu Bufaransa wakoresheje amasaha 3, iminota 12 n’amasegonda 17 naho ku mwanya wa 3 haza Manizabayo Eric ukinira Benediction Ignite  yo mu Rwanda wakoresheje amasaha 3, iminota 12 n’amasegonda 33.

Nyuma y’iyi ntera ya 5, Madrazo Ruiz Angel ukomoka muri Espagne akaba akinira ikipe  ya Burgos-BH ni we wahise ayobora isiganwa muri rusange aho muri kilometero 562,4 amaze gukoresha amasaha 13, iminota 57 n’amasegonda 52.  Madrazo Ruiz yafashe uyu mwanya  nyuma y’aho  Laurance Axel ukinira ikipe ya B&B Hotels atakaje uyu mwanya yari yafashe nyuma y’intera ya 4.

Madrazo Ruiz Angel uyoboye isiganwa muri rusange

Laurance Axel kuri iyi ntera ya 5 yakoresheje ku mwanya wa 20 inyuma ho iminota  4 n’amasegonda 10 uwa mbere ahageze bituma atakaza umwanya ufatwa na  Madrazo Ruiz Angel wari ku mwanya wa kabiri ku rutonde rusange nyuma y’intera ya 4.

Ku rutonde rusange, Tesfazion Natnael ukomoka muri Eritrea wegukanye Tour du Rwanda 2020  akaba akinira ikipe ya Drone Hopper-Androni mu Butaliyani  ari ku mwanya wa kabiri  na we amaze gukoresha amasaha 13, iminota 57 n’amasegonda 52.  Ku mwanya wa 3 hari Budiak Anatolii ukinira Terengganu PC umaze gukoresha amasaha 13, iminota 58 n’amasegonda 58. Ku mwanya wa kane hari  Mulueberhan Henok wo muri Eritrea ukinira Bike Aid umaze gukoresha amasaha 13, iminota 57 n’amasegonda 59 naho ku mwanya wa 5 hari  Ewart Jesse na we ukinira Bike Aid umaze gukoresha amasaha 13  , iminota 58 n’amasegonda 5.

Aba bakinnyi bose uko ari 5 bakomeje kwitwara neza mu ntera  3 zisigaye buri wese afite amahirwe  yo kuba yafata umwanya wa mbere ndetse akegukana Tour du Rwanda 2022.

Muhoza Eric ukinira ikipe y’u Rwanda ku rutonde rusange akomeje kuzamuka kuko yavuye ku mwanya wa 13 agera ku mwanya wa 8 akaba ari we mukinnyi w’u Rwanda uri hafi ku rutonde aho amaze gukoresha  amasaha 13, iminota 59 n’amasegonda 28  akaba ari inyuma ho umunota 1 n’amasegonda 36 ku bihe by’uwa mbere.

Muhoza Eric

Intera ya 6, Musanze-Kigali

Kuri uyu wa Gatanu taliki 25 Gashyantare 2022 harakinwa intera ya 6 aho abasiganwa bahagurukira mu Karere ka Musanze bagasoreza i Kigali (Convention Centre) banyuze i Gicumbi, intera ireshya na kilometero 152.

TANGA IGITECYEREZO

  • qLOe5qCo
    February 28, 2022 at 12:25 pm Musubize

    188117 243344Spot on with this write-up, I actually suppose this internet web site needs rather a lot more consideration. most likely be once a lot more to learn significantly a lot more, thanks for that information. 513926

AMATEGEKO AGENGA IYANDIKA RY'IGITEKEREZO CYAWE

IZINDI NKURU WASOMA