APR FC yatsinze Etincelles FC ikomeza kuyobora urutonde  rwa shampiyona

APR FC yatsinze Etincelles FC ikomeza kuyobora urutonde  rwa shampiyona

Imvaho Nshya

February 21, 2022

AS Kigali 2-0 Gorilla FC

Mukura 1-0 Marines FC

Gicumbi FC 1-1 Espoir FC

Rutsiro FC 2-1 Gasogi United

Police FC 0-1 Kiyovu

APR FC 2-0 Etincelles FC

Bugesera FC 0-1 Rayon Sports

Musanze FC  2-0 Etoile de l’Est FC

Taliki 19, 20 na 21 Gashyantare 2022 hakinwe imikino y’umunsi wa 18 wa shampiyona y’icyiciro cya mbere mu bagabo “Primus  National League 2021-2022” aho ikipe ya APR FC yitwaye neza itsinda Etincelles FC  ikomeza  kuyobora urutonde rwa shampiyona by’agateganyo.

Iyi kipe ya APR FC yatsinze Etincelles FC ibitego 2-0 byatsinzwe na Manishimwe Djabel na Kwizera Allain, umukino wabereye kuri Sitade ya Kigali i Nyamirambo. Ikipe ya APR FC ikaba yitwaye neza nyuma y’uko umukino uheruka wa shampiyona  yari yatsinzwe na Musanze FC  igitego 1-0.

Mu yindi mikino yari itegerejwe cyane yabaye, ikipe ya Kiyovu yatsinze Police FC igitego 1-0, Mukura itsinda Marines FC igitego 1-0 ndetse n’ikipe ya Rayon Sports itsinda Bugesera FC igitego 1-0 cyatsinzwe na Musa Esenu.

Musa Esenu watsindiye Rayon Sports igitego ku mukino wa Bugesera FC

Indi mikino y’umunsi wa 18 yabaye, Gicumbi FC  yanganyije na  Espoir FC  igitego 1-1, Rutsiro FC  itsinda Gasogi United ibitego 2-1, Musanze FC  itsinda Etoile de l’Est FC ibitego   2-0  naho AS Kigali  itsinda  Gorilla FC  ibitego 2-0.

Nyuma y’umunsi wa 18, ikipe ya APR FC irayoboye n’amanota 40, ikurikiwe na Kiyovu ku mwanya wa kabiri n’amanota 38, Mukura iri ku mwanya wa 3, Rayon Sports ku mwanya wa 4 zose n’amanota 32. Ku mwanya wa nyuma wa 16 hari ikipe ya Gicumbi FC n’amanota 14.

Imikino y’umunsi wa 19 biteganyijwe ko izaba taliki 25, 26 na 27 Gashyantare 2022.

TANGA IGITECYEREZO

AMATEGEKO AGENGA IYANDIKA RY'IGITEKEREZO CYAWE

IZINDI NKURU WASOMA