DUC 70-85 SLAC

Taliki 06-03-2022

REG BBC- AS Salé (16h00)

US Monastir-CFV Beira (19h30)

Kuri uyu wa Gatandatu taliki 05 Werurwe 2022 ni bwo hatangiye imikino y’amajonjora y’imikino y’Afurika y’amakipe yatwaye ibikombe iwayo mu mukino wa Basketball mu bagabo  “Africa Basketball League 2022”.

Iyi mikino  biteganyijwe ko izasozwa taliki 15 Werurwe 2022 ni iyo mu itsinda rya mbere “Sahara Conference”  rigizwe na  US Monastir (Tunisia) yakinnye umukino wa nyuma  muri  BAL 2021,  AS Salé (Maroc), SLAC (Guinea), DUC (Senegal), Ferroviário da Beira (Mozambique) na REG BBC (Rwanda).

Ku munsi wa mbere habaye umukino umwe wahuje ikipe ya DUC yo muri Senegal na SLAC  yo muri Guinea, umukino urangira ikipe ya  SLAC itsinze DUC  amanota 85 kuri 70. Ikipe ya DUC  yatangiye neza  itsinda uduce tubiri, 24-22 na 21-15. Mu gace ka 3, SLAC yitwaye neza itsinda DUC amanota 32-11 inatsinda agace ka 4 amanota 16-14.

Imikino y’umunsi wa kabiri bitegayijwe ko izaba kuri iki Cyumweru taliki 06 Werurwe 2022 aho ikipe ya REG BBC ihagarariye u Rwanda  ikina na AS Salé yo muri Maroc. Umukino urabera muri Dakar Arena,  saa kumi (16h00) ku isaha yo mu Rwanda.

Undi mukino uteganyijwe ni ugomba guhuza ikipe ya US Monastir yo muri Tunisia na CFV Beira yo muri Mozambique. Umukino uraba saa moya n’igice 19h30) ku isaha ya Kigali.

Abakinnyi REG BBC izifashisha

Umutoza mukuru w’ikipe ya REG BBC, Robert John Pack  yatoranyije abakinnyi 13 agomba kwifashisha muri iyi mikino ari bo   Cleveland Joseph Thomas  Jr., Antony Walker, Adonis Jovon Filer, Pitchou Manga, Nshobozwabyosenumukiza Jean Jacques Wilson,  Ndizeye Ndayisaba Dieudonné, Shyaka Olivier, Kami Kabange, Kaje Elie,  Habimana Ntore, Pierre Thierry Vandriessche, Mpoyo Axel na Joy Ighovodja.

Mbere y’uko REG BBC ikina umukino wayo wa mbere, kuri uyu wa Gatandatu taliki 05 Werurwe 2022, Ambasaderi w’u Rwanda muri Senegal, Karabaranga Jean Pierre ari kumwe na Perezida w’ishyirahamwe ry’umukino wa Basketball mu Rwanda “FERWABA”, Mugwiza Desire basuye  abakinnyi aho bari mu myitozo muri NBA Academy babasaba kwitwara neza.

Aya makipe uko ari 6 azakina hagati yayo hanyuma  4 ya mbere abone itike ya ¼ cy’irangiza.

Amafoto

Foto: Shema Innocent

Ba uwa mbere mu kumenya amakuru agezweho!!!