Kenya 97-96 Uganda

Tanzania 119-62 Botswana

Rwanda 124-88 Brazil

Germany 78-79 Nigeria

Taliki 11-06-2022

Brazil-Germany (Gahanga-09h30)

Tanzania-Uganda (IPRC Kigali-09h30)

Rwanda-Kenya (Gahanga-13h30)

Botswana-Nigeria (IPRC Kigali-13h30)

Ku munsi wa kabiri w’irushanwa ryo Kwibuka “Kwibuka Women’s T20I Tournament 2022”, ikipe y’u Rwanda  yitwaye neza itsinda ikipe y’igihugu ya Brazil.

Uyu mukino wabaye kuri uyu wa Gatanu  taliki 10 Kamena 2022 kuri Sitade mpuzamahanga ya Gahanga, ikipe y’u Rwanda  yatangiye ikubita agapira ishaka amanota “Batting” amaze mu dupira 120 (Overs 20) ikora amanota 124.

Ikipe ya Brazil yasabwaga amanota 125 yatangiye gukubita agapira ishaka amanota “Batting” maze mu dupira 120  (Overs 20) ikora amanota 88.

Umukinnyi witwaye neza muri uyu mukino yabaye Ishimwe Henriette ukinira ikipe y’u Rwanda  naho Uwase Clarisse nawe ukinira u Rwanda, akina umukino we wa mbere mpuzamahanga mu ikipe y’igihugu.

Ikipe ya Kenya yitwaye neza itsinda Uganda . Iyi kipe ya Uganda ni yo yatangiye  ikubita agapira ishaka amanota « Batting » maze mu dupira 120 (Overs 20) ikora amanota 96. Ikipe ya Kenya mu gukubita agapira ishaka amanota “Batting”  mu dupira 118 (19.4 Overs) yakoze amanota 97  ihita yegukana intsinzi.

Lavendah Idambo  ukinira ikipe ya Kenya ni we witwaye neza muri uyu mukino.

Ikipe ya Tanzania yatsinze Botswana. Iyi kipe ya Tanzania yatangiye ikubita agapira ishaka amanota  “Batting” maze mu dupira 120 (Overs 20) ikora amanota 119. Nyuma ikipe ya Botswana yatangiye gukubita agapira ishaka amanota “Batting”. Mu dupira 96 (Overs 16), abakinnyi   10 basohowe mu kibuga imaze gukora amanota 62.

Umukinnyi wa Tanzania, Zinaida Jeremiah ni we watowe nk’uwitwaye neza mu gihe mugenzi we,Agnes Qwele  yakinnye umukino we wa mbere mpuzamahanga.

Undi mukino w’umunsi wa kabiri wabaye, ikipe ya Nigeria  yatsinze ikipe y’igihugu y’u Budage.  Ikipe y’u Budage yatangiye ikubita agapira ishaka amanota “Batting” maze mu dupira 120 (Overs 20) ikora amanota  78. Ikipe ya Nigeria yasabwaga  amanota 79 yatangiye gukubita agapira “Batting” maze mu dupira 82 ( Overs 13.4)itsinda amanota 79.

Umukinnyi  wa Nigeria, Rachael Samson ni we watowe nk’uwitwaye neza muri uyu mukino.Abakinnyi babiri b’u Budage, Wilhelmina Hornero-Garcia  na  Shravya Kolcharam  uyu ni wo mukino wa mbere mpuzamahanga abri bakinnye.

Gahunda y’imikino y’umunsi wa gatatu

Imikino irakomeza kuri uyu wa Gatandatu  taliki 11 Kamena 2022 aho  ikipe ya Brazil ikine na Germany i Gahanga (09h30), Tanzania  ikine na Uganda muri IPRC Kigali (09h30). Ikipe y’u Rwanda irakina na Kenya  i Gahanga (13h30) naho Botswana ikine na Nigeria  muri IPRC Kigali (13h30).

Ba uwa mbere mu kumenya amakuru agezweho!!!