Cricket: Ikipe ya Nigeria na Kenya ni zo  ziyoboye urutonde  mu irushanwa ryo Kwibuka

Cricket: Ikipe ya Nigeria na Kenya ni zo  ziyoboye urutonde  mu irushanwa ryo Kwibuka

Imvaho Nshya

June 12, 2022

Brazil 117-109 Germany

Tanzania 107-106 Uganda

Rwanda 113-114 Kenya

Botswana 88-89 Nigeria

Taliki 12-06-2022

Tanzania-Kenya (Gahanga-09h30)

Rwanda-Germany (IPRC Kigali-9h30)

Botswana-Brazil (Gahanga-13h30)

Nigeria-Uganda (IPRC Kigali-13h30)

Nyuma y’imikino y’umunsi wa gatatu w’irushanwa ryo Kwibuka  “Kwibuka Women’s T20I Tournament 2022”, ikipe ya Nigeria na Kenya  ziyoboye urutonde kuko nta bwo ziratsindwa umukino n’umwe.

Mu mikino yabaye ku wa Gatandatu taliki 11 Kamena 2022, ikipe ya Kenya yitwaye neza itsinda u Rwanda.

Ikipe y’u Rwanda ni yo yatangiye ikubita agapira ishaka amanota « Batting » maze mu dupira 120 (Overs 20) ikora amanota 113, abakinnyi 4 bava mu kibuga. Ikipe ya Kenya na yo yatangiye gukubita agapira ishaka amanota 114 ngo yegukane intsinzi.

Ikipe ya Kenya

Mu dupira 118 (Overs 19.4), ikipe ya Kenya yakoze amanota 114 ihita yegukana intsinzi ya gatatu yikurikiranya. Uyu mukino wabereye kuri Sitade mpuzamahanga ya Gahanga.

Ikipe ya Nigeria na yo yitwaye neza  itsinda ikipe ya Botswana. Iyi kipe ya Botswana ni yo yatangiye ikubita agapira ishaka amanota “Batting” maze mu dupira 120 ( Overs 20) ikora amanota 88. Iyi kipe ya Nigeria yasabwaga amanota 89 nta bwo byayigoye  kuko mu dupira 82 (Overs 15.2) yahise ikora amanota 89.

Aya makipe yombi Nigeria na Kenya akaba yahise akomeza kuyobora urutonde n’amanota 6 aho atari yatsindwa umukino n’umwe.

Indi mikino y’umunsi wa 3 yabaye, ikipe ya Tanzaniya yatsinze Uganda naho ikipe ya Brazil itsinda u Budage.

Nyuma y’imikino y’umunsi wa gatatu, ikipe ya Nigeria iyoboye urutonde n’amanota 6 inganya na Kenya, ku mwanya wa 3 Tanzania n’amanota 4, ku mwanya wa 4 hari Uganda n’amanota 2 inganya n’u Rwanda na Brazil naho ku mwanya wa 7 n’uwa 8 hari Botswana n’u Budage aho nta nota na rimwe zifite.

Imikino yo Kwibuka igeze ku munsi wa kane

Imikino irakomeza kuri iki Cyumweru   taliki 12 Kamena 2022 aho  ikipe ya Tanzania ikina na  Kenya i Gahanga (09h30), ikipe y’u Rwanda ikine n’ u Budage muri IPRC Kigali (9h30). Ikipe ya Botswana irakina na Brazil i Gahanga (13h30) naho Nigeria ikine na Uganda muri IPRC Kigali (13h30).

TANGA IGITECYEREZO

AMATEGEKO AGENGA IYANDIKA RY'IGITEKEREZO CYAWE

IZINDI NKURU WASOMA