Taekwondo: Bamwe mu bakinnyi bazaserukira u Rwanda muri shampiyona y’Afurika batangiye kwitegura

Taekwondo: Bamwe mu bakinnyi bazaserukira u Rwanda muri shampiyona y’Afurika batangiye kwitegura

Imvaho Nshya

May 15, 2022

Kuva taliki 13 kugeza 17 Nyakanga 2022, ku nshuro ya mbere u Rwanda ruzakira shampiyona y’Afurika mu mukino njyarugamba wa Taekwondo “African Senior Taekwondo Championships 2022”, ikazabera muri Kigali Arena.

Mu rwego rwo kwitegura, umutoza w’ikipe y’igihugu ya Taekwondo, Master Jeong Ji-Man Ntwali yatangaje urutonde rw’abakinnyi 22 bagize ikipe y’igihugu mu cyiciro cyo kurwana “Kyorugi” kugira ngo batangire imyitozo. Aba banyinnyi batoranyijwe nyuma y’amezi 4 , Master Jeong Ji-Man Ntwali yari amaze akoresha imyitozo rusange ari na yo yifashishije atoranya aba bakinnyi.

Abakinnyi batoranyijwe batangiye  imyitozo yihariye aho bazajya bakora bataha hanyuma muri Kamena 2022 bakazatangira umwiherero aho bazajya bakora imyitozo baba hamwe.

Mu minsi ya vuba biteganyijwe ko umutoza azatangaza  urutonde rw’ikipe y’igihugu mu cyiciro cyo kwiyereka “ Poomsae”.

Urutonde rw’abakinnyi bahamagawe

Abakobwa: Uwamahoro Francine, Wimuriza Florence, Ndacyayisenga Aline, Umutesi Adeline, Umurerwa Nadege (Police TC)Cyuzuzo Hyacente, Mutoniwase Kevine (Dream Fighters TC) , Umuhoza Adinette NA Uwase Denise (Kigali Olympic Taekwondo Academy).

Abahungu: Kayitare Benoit, Niyingize Jean De Dieu, Niyomugabo Happy, Nizeyimana Savio, Munyakazi Vincent, Sinayobye Daël, Muhire Boris, Mwemezi Cedrick (Police TC),  Sekanyambo Jean Paul (Kigali International TA ),  Iyamuremye Jackson (Dream Fighters TC), Tuyishime Jules, Twizeyimana Moussa (Dream TC) na  Ntaganda Vincent (Unity TC).

Abatoza ni Master Jeong Ji-Man Ntwali akaba ari umutoza mukuru, yungirijwe na  Master Ntawangundi Eugene na  Master Mushambokazi Zura.  Ushinzwe ubuzima bwa buri munsi bw’ikipe “Team Manager” ni Bimenyimana Pierre Celestin naho umuganga w’ikipe ni  Dr. Mpatswenumugabo Jean Bosco.

TANGA IGITECYEREZO

AMATEGEKO AGENGA IYANDIKA RY'IGITEKEREZO CYAWE

IZINDI NKURU WASOMA