2024/2025: Imyaka yo kwiga kaminuza izava kuri itatu isubire kuri ine

2024/2025: Imyaka yo kwiga kaminuza izava kuri itatu isubire kuri ine

NYIRANEZA JUDITH

April 18, 2024

Minisitiri w’Intebe, Dr Edouard Ngirente, yatangarije abagize Inteko Ishinga Amategeko, Imitwe yombi ko mu mavugurura ari gukorwa, umunyeshuri wa Kaminuza y’u Rwanda ko umwaka utaha kaminuza izajya yigwa imyaka ine.

Yagize ati: “myaka ya kaminuza izava kuri itatu isubire kuri ine, ariko mu mwaka wa mbere mu byo baziga harimo indimi. Ntibyitiranywe na EPLM, kugira ngo umunyeshuri azige afite ubumenyi butuma afunguka mu mutwe. Si indimi gusa harimo n’andi masomo menshi umwana akazagira ubumenyi bw’ibanze kandi rusange, ari umuntu ugiye kwiga kaminuza.”

Amavugurura yose akorwa agamije kuzamura ireme ry’uburezi.

Dr Ngirwnte Yagize ati: “Ibyakozwe byose mu kuvugurura Kaminuza y’u Rwanda, ikigamijwe ni ukurushahio kuzamura ireme n’imicungire ya za Kaminuza, hahuzwe amashuri yari kaminuza 7 ahurizwa muri 1 igizwe na koleje 6.”

Yongeyeho ko bizorohereza Abarimu n’abanyeshuri.

Ati: “Mu kunoza imikorere no korohereza abanyeshuri n’abarimu mu mpinduka kaminuza izaba igizwe ubugeni, ndimi n’ubumemyi, ubukungu, n’ubumenyi mu by’ubuzima zizaba ziri i Huye.

Koleje y’Ubuhiunzi, Amashyamaba n’Ubumenyi mu biribwa izaba iri Busogo mu Karere ka Musanze.

Koleje Nderabarezi yo ikorera mu Karere ka Kayonza, Koleje y’Ubuzima n’ubuvuzi bw’amatungo yahoze ari 1, ubu irimo 2 ibijyanbye n’ubworoizi n’ubuvuzi bw’amatungo i Nyagatare byakozwe hagamijewe guteza imbere ubuvuzi bw’amatungo.”

Minisitiri w’Intebe yakomeje asobanura ko amavugurura kandi azagabanya ingendo Abarimu bakoraga n’ingengo y’imari yakoreshwaga muri izo ngendo.

Buri Koleji izagira umuyobozi n’umwungirije, ahari koleje zirenze imwe zikorera muri kaminuza imwe hazanongerwaho umuyobozi uzajya areba ibikorwa byose.

Kuri ubu Guverinoma izajya igenera kaminuza ingengo bishingiye ku bikorwa hari hashize imyaka 8 hashingirwa ku mubare w’abana benshi biga, mu mavugurura ingengo izajya ikurikiza ibikenewe mu kigo he gutangwa ingengo y’imari ishingiye ku mubare w’abanyeshuri.

Dr Ngirente Yagize ati: “Amavugurura yakozwe atumye porogaramu z’amasomi zigabanyuka biva ku 161 ubu ni 88, abazatangira ubu baziga porogaramu 88 aho kuba 161.”

Yongeyeho ati: “Kuvugurura byafashije gukuramo izajyaga zisubirmo muri koleje zitandukanye.’Mu mwaka wa 1 bazajya biga ururimi, ishyirwa mu bikorwa ry’amashami n’udushami byagiye bishyirwa mu bikorwa.

Abazatangira muri Nzeri, abari basanzwe muri kaminuza bo bazakomeza porogaramu zisanzwe bazirangize.”

Ingengabihe nshya ya kaminuza izaba ishingiye ku mezi 6, itangire muri Kamena igeze muri Nzeri.

Buri shami n’agashami bazajya bagira igihe cyo gukora ubushakashatsi.

Hanavuguruwe imbonerahamwe y’amasaha umwarimu yigishaga mu cyumweru nndetse abarimu bazajya bazamurwa mu ntera. Abarimu bazazamurwa mu ntera.

Prof azajya azamurwa mu ntera ntambike (Horinzontal), Prof kuko aba atakizamuka.

Gushyira abarimu mu myanya
bizashingirwa ku mabwiriza ya HEC.

Guverinoma irateganya kugira icyo ikora ku mibereho y’umwarimu wa kaminuza. Hazavu ibijyanye n’imibereho myiza, harimo n’ibijyanye no kwivuza.

Hazajyaho sitati yihariye y’abarimu ba kaminuza , kuko ubu bashyirwa mu myanya hashingiwe ku mabwiriza ya MIFOTRA.

Hazibandwa ku macumbi y’abanyeshuri, gahunda yo kuyubaka irimo gutegurwa bikazakorwa kuri kaminuza hose twifuza ko byazatangira mu gihe kitarenze umwaka 1 hagatangira kubaka.

Abanyeshuri bazoroherezwa mu bijyanye n’ubwishingizi mukwivuza.

Amavugururwa mu kunoza imicungire y’umutungo mu bijyanye n’amasoko byanashyizwe muri RP.

Itegeko rya RP ririmo kuvuguruwa, by’umwihariko hashyizweho icyiciro cya 2 n’icya 3 ngo amasomo y’abiga imyuga batezwe imbere kandi barangize bashobora kugira ubumenyi ku isoko ry’umurimo.

Guverinoma izakomeza gukora ibishoboka ngo iteze imbere ireme ry’uburezi mu biciro byose.Ababyeyi guha abana uburezi bakagira uruhare mu myigire y’anbana babo bafite disipulini. Izakomeza guteza imbere amashuri nderabarezi kuko ari ryo shingiro ry’ubumenyi no kubakangurira kwiga imyuga.

Senateri Nkusi Juvenal yabajije niba ayo mavugurura azanakorwa muri kaminuza zigenga.

Minisitiri w’Intebe ati: “Amavugurura arimo akorwa byazarebwaho kuko natwe ubu ni bwo turimo kuyikora Wenda nifata umurongo nka nyuma y’umwaka umwe bimaze gushinga imizi tuzaganira na za Kaminuza zigenga.”

TANGA IGITECYEREZO

AMATEGEKO AGENGA IYANDIKA RY'IGITEKEREZO CYAWE

IZINDI NKURU WASOMA