Ku nshuro ya mbere, ingufu zisubira zatanze amashanyarazi menshi ku Isi kurusha amakara mu 2025. Ni ibyavumbuwe na “The World Electricity Review,” muri raporo ya 7 y’itsinda ry’ubushakashatsi ku ngufu ‘Ember’, yasohotse kuri uyu wa Kabiri, tariki ya 21 Mata 2026.

Ibi bihamya iterambere rikomeje kwiyongera ry’ingufu zikomoka ku mirasire y’izuba n’umuyaga ku Isi hose, ku buryo ibihugu byinshi birimo gutekereza uko byakongera imbaraga mu kugabanya kwishingikiriza ku bikomoka kuri peteroli.

Umwaka ushize, ikigereranyo cy’ingufu cyagaragaje ko 34% by’amashanyarazi ku Isi yakomotse ku ngufu zisubira zikongera gukoreshwa, mu gihe 33% byakomokaga ku makara, itandukaniro ryari rito.

Ku nshuro ya mbere, ingufu zikomoka ku muyaga n’izikomoka ku mirasire y’izuba byasumbye ingufu zisohora imyuka myinshi ihumanya ikirere, uruhare runini, impamvu nyamukuru aho gaze na peteroli, bigira uruhare mu gushyuha kw’Isi.

Buri mwaka, bitewe n’ubwiyongere bw’abaturage n’iterambere, abantu bakoresha amashanyarazi menshi. Iterambere ry’uburyo bushya bwo gukora amashanyarazi meza, atangiza ikirere ryaziye igihe riba igisubizo ku bikenewe.

Kugira ngo bishoboke, hagomba kubakwa inganda nshya z’amashanyarazi. Ingufu zisubira zifasha muri ibi bihe by’izamuka ry’ibikomoka kuri peteroli, bityo bikarinda gukenera gazi cyangwa ibikoresho bikoresha amakara.

Impuguke nyinshi zibona ibi nk’ingamba zo gukomeza umuvuduko w’iterambere ry’ingufu zisukuye kugira ngo zidakomeza guhaza gusa icyifuzo cy’ibyiyongera ahubwo zigasimbuza uburyo busanzwe buriho bwanduza.

Mu 2024 Isi yageze kuri 40,9% by’ingufu zisukuye kandi ingufu zishobora kongera gukoreshwa zirazamuka cyane.

Mu 2023, ingufu zikomoka ku mirasire y’izuba yazamutseho23% , izikomoka ku muyaga zazamutseho 10% naho iz’ibikomoka kuri peteroli zazamutseho 0,8%.

Ba uwa mbere mu kumenya amakuru agezweho!!!