Abasaga miliyoni bahunze Sudani mu mezi 4
Mu Mahanga

Abasaga miliyoni bahunze Sudani mu mezi 4

Imvaho Nshya

August 16, 2023

Abantu basaga miliyoni imwe ni bo bamaze guhunga bava mu gihugu cya Sudani berekeza mu bihugu by’abaturanyi nyuma y’amezi ane y’intambara, iri muri icyo gihugu nk’uko bitangazwa n’Umuryango w’Abibumbye, Loni.

Ku wa Kabiri, Umuryango w’Abibumbye watangaje ko abantu barenga miliyoni bahunze Sudani bajya mu bihugu bituranye kandi bivugwa ko ntabyo kurya bafite ndetse bagapfa kubera kubura ubuvuzi nyuma y’amezi ane y’intambara.

Imirwano hagati y’Ingabo za Sudani n’Inkeragutabara za RSF (Rapid Support Forces), yashenye Umurwa Mukuru Khartoum, ndetse zitangiza ibitero bishingiye ku moko i Darfur ; ibyo bikaba byakwihutisha ko Sudani yinjira mu ntambara y’abenegihugu kandi bigateza n’ingaruka mu Karere.

Ibigo bya Leta Zunze Ubumwe z’Amerika (USA), mu itangazo byahurije hamwe, byagize biti: “Igihe kirageze kugira ngo abahinzi bahinge ibihingwa bizabatunga ndetse bikagera no ku  baturanyi babo. Ibikoresho byo kwa muganga ni bike, ariko ibintu bigenda byiyongera”.

Intambara yatumye abantu 1.017.449 bambuka bava muri Sudani bajya mu bihugu by’abaturanyi, benshi bakaba barimo guhangana n’ingaruka z’amakimbirane cyangwa ibibazo by’ubukungu, mu gihe abimuwe muri Sudani baba bagera kuri 3,433.025, nk’uko imibare iheruka gusohoka mu cyumweru gishize yatangajwe n’Umuryango Mpuzamahanga  wita ku Bimukira.

Iyo mirwano  yabaye ku wa 14 Mata, yakomotse makimbirane yo kuba haragombaga kubaho gusubiza ubutegetsi abasivili,  mu Murwa Mukuru no mu nkengero zawo hagaragaye abasivili mu ntambara n’ibitero bya buri munsi.

Amamiliyoni asigaye muri Khartoum no mu mijyi yo mu Turere twa Darfur na Kordofan yahuye n’ubusahuzi bukabije kandi nta mashanyarazi, itumanaho ndetse n’amazi bafite.

Mu nama yabereye i Geneve, Umuvugizi wa Komiseri Mukuru w’Uburenganzira bwa Muntu, Elizabeth Throssell, yagize ati: “Ibisigazwa bya benshi mu bishwe ntibyigeze bikusanywa, ngo bimenyekane cyangwa ngo bishyingurwe.”

Raporo y’ihohoterwa rishingiye ku gitsina yiyongereyeho 50%, nk’uko byatangajwe n’Umuyobozi w’Ikigega cy’abaturage muri Amerika, Laila Baker.

Yanditswe na NYIRANEZA JUDITH

TANGA IGITECYEREZO

AMATEGEKO AGENGA IYANDIKA RY'IGITEKEREZO CYAWE

IZINDI NKURU WASOMA