Abashinzwe gutegura irushanwa ryo Kwibuka Rutsindura riba buri mwaka batangaje ko amakipe asaga 60 ari yo amaze gusaba kuryitabira, harimo 10 yo mu Cyiciro cya Mbere.

Uyu Rutsindura iri rushanwa riba rigamije kwibuka, yazize Jenoside yakorewe abatutsi ndetse yanabaye umwarimu mu ishuri rya Petit Séminaire Virgo Fidelis de Butare riherereye mu majyepfo yu Rwanda.

Kuri uru rutonde harimo amakipe 58 agabanyije mu byiciro 10 ibirimo icyiciro cya mbere mu bagore n’abagabo (Serie A), icyiciro cya kabiri mu bagore n’abagabo, Abakanyujijeho, Amashuri yisumbuye, Icyiciro rusange (O’Level), Amashuri abanza mu bahungu n’abakobwa (Primary) ndetse n’icyiciro cya volleyball yo ku mucanga (Beach volleyball).

Amakipe atandatu yo mu cyiciro cya mbere mu bagabo yiyandikishije, ni Kepler VC, Police VC, APR VC, Gisagara VC, Kirehe VC na REG VC mu gihe ane y’abagore yiyandikishije ari Kepler WVC, RP Huye WVC, APR WVC na RRA WVC.

Amakipe yo mu cyiciro cya kabiri azakina irushanwa mu bagabo, azaba ari kumwe n’ay’ibigo by’amashuri makuru, ibigo bya Leta n’iby’abikorera, aya azaba ari amakipe 11 ayo ni CUR VC, Imena VC, KeyStone VC, Rwanda Young Water Professional VC, WIN STAR VC, UR Huye, UR Busogo, UR Nyarugenge, ASEVIF VC, CHUB VC na WASAC VC.

Mu bagore amakipe arindwi ni yo azakina kuri iyi nshuro ya 22 y’iri rushanwa ayo ni ESB Kamonyi, Lycée de Nyanza, TTC Save, UR Busogo, UR Remera, RP Kigali na UR Huye.

Amakipe arindwi y’abakanyujijeho azakina iri rushanwa ni ASEVIF VC, Kinyinya VC, Kudumu VC, Umucyo VC, Tout Age VC, Rusizi Sport Club na Aigle Noir.

Mu gihe habura iminsi itatu gusa ngo iri rushanwa rikinwe kuko rizakinwa kuva ku wa Gatanu tariki 22 Gicurasi, kugeza ku Cyumweru tariki 24 Gicurasi 2026, na ho mu cyiciro cy’abagore, harimo amakipe 4 ari yo Kepler WVC, RP Huye WVC, APR WVC na RRA WVC.

Abategura iri rushanwa bemeje ko imikino yose yo mu cyiciro cya mbere izabera muri Gymnase y’Akarere ka Gisagara.

Ubusanzwe imikino y’amatsinda yaberaga muri Gymnase y’Akarere ka Gisagara ariko imikino ya nyuma ikabera muri Petit Seminaire Virgo Fidelis de Butare i Huye, mu Ntara y’Amajyepfo.

Rutsindura Alphonse yavutse mu 1958 ahitwa i Ndora mu Karere ka Gisagara, yiga amashuri yisumbuye muri Seminari ya Karubanda.

Ba uwa mbere mu kumenya amakuru agezweho!!!