Abakinnyi bahamagawe mu Ikipe y’Igihugu y’u Rwanda batangiye umwiherero utegura imikino ibiri ya gishuti bazakina muri Maroc igamije kwitegura neza iyo gushaka itike yo kuzitabira igikombe cya Afurika cya 2027.

Mu gitondo cyo kuri uyu wa Mbere, tariki ya 1 Kamena 2026, ni bwo abakinnyi bakina mu Rwanda n’abandi bahageze kare barimo abarangije imikino ya shampiyona zo mu bihugu byabo bageze mu Rwanda.

Aba bakinnyi barimo Umunyezamu wa Rayon Sports, Kwizera Olivier, myugariro wa Zira FK, Mutsinzi Ange, myugariro wa AEL Limassol, Imanishimwe Emmanuel ‘Mangwende’, Byiringiro Jean Gilbert, Niyigena Clement na Nshimiyimana Yunusu ba APR FC, Nshuti Innocent wa Al Wafaq na rutahizamu wa Assabah, Biramahire Abeddy.

Umwiherero w’Abakinnyi b’Amavubi uzitabirwa n’abakinnyi 23 bahamagawe na Stephen Constantine. Abo barimo abanyezamu batatu, ba myugariro barindwi, abakina hagati umunani na ba rutahizamu batandatu.

Abandi ni Niyongira Patience, Hakizimana Adolphe, Kavita Phanuel Mabaya, Niyomugabo Claude, Emeran Noam Fritz, Kwizera Jojea, Kury Johan Marvin, Mugisha Bonheur, Bizimana Djihad, Gueulette Samuel, Ruboneka Jean Bosco, Muhire Kevin, Mickels Joy Slayd, Uwiyaremye Fidali Na Mbonyumwami Taiba.

Biteganyijwe ko Ikipe y’Igihugu ihagaruka i Kigali ku mugoroba wo kuri uyu wa Mbere yerekeza i Marrackesh muri Maroc gukina imikino ibiri ya gishuti aho u Rwanda ruzakina n’Ibirwa bya Comores ku wa 6 Kamena mbere y’uko rukina na Tanzania ku wa 9 Kamena 2026.

Ba uwa mbere mu kumenya amakuru agezweho!!!