Ikipe ya Arsenal yo mu Bwongereza itozwa n’umutoza Arteta yegukanye igikombe cya Shampiyona y’icyiciro cya Mbere mu Bwongera (Premier League) yaherukaga mu  mwaka wa 2004 ni ukuvuga nyuma y’imyaka 22.

Iyo kipe yanditse aya mateka nyuma y’uko ikipe ya Manchester City, yari iyikurikiye inganyije mu mukino wayihuje na FC Bournemouth igitego 1-1, wabaye ku mugoroba wo kuri uyu wa Kabiri.

Irushanwa rya English Premier League riba rigizwe n’imikino 38 yo kwishyura n’ibanza, ikipe ya Arsenal imaze gukina 37 aho iyoboye urutonde n’amanota 82 mu gihe Manchester City iyikurikiye yagize amanota 78 zombi zigifite umukino umwe usigaye.

Ibi bihaye amahirwe Arsenal kuko nubwo yatsindwa umukino usigaye, Man City ikawutsinda yakomeza kuyobora urutonde iyirusha inota 1, bityo bidasubirwaho Arsenal ikaba igomba guterura igikombe nyuma y’imyaka 22 itagikozaho imitwe y’intoki.

Ibi kandi bibaye mu gihe iyi kipe yitegura umukino wa nyuma wa UEFA Champions League aho  ku wa 30 Gicurasi uzayihuza n’ikipe ya Paris Saint Germain, i Budapest muri Hongiriya.

Ba uwa mbere mu kumenya amakuru agezweho!!!