Basketball: Ikipe y’u Rwanda  irakina na Uganda yatsinzwe muri 1/4 mu mikino y’Afurika
Imibereho

Basketball: Ikipe y’u Rwanda  irakina na Uganda yatsinzwe muri 1/4 mu mikino y’Afurika

Imvaho Nshya

August 2, 2023

Angola 69-71 Guinea

Misiri 60-71 Senegal 

Mozambique 70-48 Cote d’Ivoire

Uganda 78-62 RDC 

Taliki 02-08-2023

Imikino ya 1/4 

Cameroun- Senegal (BK Arena-12h00)

Mali-Guinea (BK Arena-15h00)

Rwanda-Uganda (BK Arena-18h00)

Nigeria-Mozambique (BK Arena-21h00)

Ikipe y’u Rwanda nyuma yo kwitwara neza mu mikino y’amajonjora  yo  mu matsinda mu mikino y’Afurika  “FIBA Women Afrobasket 2023”, kuri uyu wa Gatatu taliki 02 Kanama 2023 irakina na Uganda mu mikino ya 1/4 cy’irangiza.

Ku wa Kabiri talik 01 Kanama 2023 ni bwo habaye imikino yo gushaka itike ya 1/4 aho yakinwe n’amakipe yasoreje mu myanya  ibiri ya nyuma muri buri tsinda.

Muri iyi mikino, ikipe ya Guinea yitwaye neza isezerera Angola  ku manota 71 kuri 69. Iyipe ya Guinea yari mu itsinda B  igasoza ari iya gatatu itsinzwe imikino ibiri yakoze amateka kuko yaherukaga mu makipe 8 mu 1994.

Ikipe ya Senegal  nayo yari yatsinzwe imikino ibiri mu itsinda C  yitwaye neza ibona itike ya 1/4 cy’irangiza itsinze Misiri amanota 71 kuri 60.

Guinea-Angola

Ikipe ya Mozambique yasezereye Cote d’Ivoire iyitsinze amanota 70 kuri 68 naho ikipe ya Uganda isezerera RDC iyitsinze amanota 78 kuri 62.

Gahunda y’imikino ya 1/4

Kuri uyu wa Gatatu taliki 02 Kanama 2023, imikino y’Afurika irakomeza hakinwa imikino ya 1/4 cy’irangiza.

Ikipe ya Cameroun irakina na Senegal (12h00), Mali ikine na Guinea (15h00) , ikipe y’u Rwanda ikine na Uganda (18h00) naho ikipe ya Nigeria ikine na Mozambique (21h00). Iyi mikino yose irabera muri BK Arena.

Senegal-Misiri
Mozambique-Cote d’Ivoire
Uganda-RDC

TANGA IGITECYEREZO

AMATEGEKO AGENGA IYANDIKA RY'IGITEKEREZO CYAWE

IZINDI NKURU WASOMA