Nigeria 67-65 Sierra Leone

Ghana 41-158 Rwanda

Taliki 28-03-2023

Cameroun-Nigeria

Sierra Leone-Ghana

Kuva kuri uyu wa Mbere taliki 27 Werurwe 2023 i Lagos muri Nigeria hatangiye irushanwa mpuzamahanga mu mukino wa Cricket mu cyiciro cy’abagore ribaye ku  nshuro ya 2 “NCF Women’s T20 International Cricket Tournament 2023”.

Iri rushanwa ryitabiriwe n’amakipe 5 ari yo Nigeria, Ghana, Sierra Leone, Cameroun n’u Rwanda.

Ku munsi wa mbere w’iri rushanwa habaye imikino ibiri aho ikipe y’u Rwanda yitwaye neza itsinda Ghana ku kinyuranyo cy’amanota 117.

Muri uyu mukino wabereye ku kibuga cya Tafawa Balewa Square Cricket Oval, ikipe y’u Rwanda ni yo yatangiye ikubita agapira ishaka amanota “Batting” maze mu dupira 120 “20 Overs” ikora amanota 158, abakinnyi 3 basohorwa mu kibuga.

Mu gice cya kabiri, ikipe ya Ghana yasabwaga amanota 159 yatangiye gukubita agapira ishaka amanota “Batting”. Ubwo  hari hamaze gukinwa udupira 99 (16.3 Overs), abakinnyi 10 bose basohowe mu kibuga mu gihe yari imaze gukora amanota 41.

Mu wundi mukino wabaye, ikipe ya Nigeria yitwaye neza itsinda Sierra Leone.

Mu mikino y’umunsi wa mbere, ikipe ya Cameroun ntabwo yakinnye kuko  yari yaruhutse.

Imikino y’umunsi wa kabiri

Kuri uyu wa Kabiri taliki 28 Werurwe 2023 hateganyijwe imikino y’umunsi wa kabiri aho ikipe ya Nigeria ikina na Cameroun naho Sierra Leone ikine na Ghana. Ikipe y’u Rwanda yaruhutse.

Ba uwa mbere mu kumenya amakuru agezweho!!!