Ikipe Rayon Sports yatangaje kuri uyu wa Gatandatu, tariki ya 16 Gicurasi 2026, binyuze ku mbuga nkoranyambaga zayo ko Dylan Lienart yagizwe umuyobozi mushya wa tekiniki.

Uyu mugabo afite impamyabumenyi y’ubutoza ya ‘UEFA A’, amaze imyaka 22 mu mupira w’amaguru by’umwihariko mu gufasha abakiri bato, akazi yahereye muri USMN Football yo mu Bufaransa.

Yabaye Umutoza Mukuru wa FC Mougins y’Abatarengeje imyaka 17, ahava aba umuhuzabikorwa w’amakipe y’abakiri bato ya Nice yo mu Bufaransa, akazi yakomereje muri Paris Saint-Germain.

Muri PSG yari Umuhuzabikorwa wa Tekiniki mu marerero yose ya Paris Saint-Germain yo mu bice bitandukanye by’Isi.

Uyu mugabo yitezweho gufasha Rayon Sports kubaka amakipe y’abato ku buryo abitwaye neza bakinira amakipe makuru yayo.

Ba uwa mbere mu kumenya amakuru agezweho!!!