Umunyarwandakazi Emeline Imanizabayo yanditse amateka yo kwegukana umudari wa zahabu mu Isiganwa Mpuzamahanga ryo kwiruka rya ‘Seven Hills Record Run’ ryabereye i Nijmegen mu Buholandi, ku wa Gatandatu tariki 18 Mata 2026.

Iri siganwa ryitabiriwe n’abakinnyi barenga 170 bari mu byiciro bitandatu bitandukanye by’abato batarengeje imyaka 20 n’abakuru mu bagabo no mu bagore.

Imanizabayo yabaye uwa mbere mu cyiciro cy’abagore mu gusiganwa ku ntera ya metero 5,000 akoresheje iminota 15 n’amasegonda arindwi.

Yakurikiwe n’Umunya-Finland, Ilona Mononen, yasize amasegonda atatu, naho Maurine Jepkoech Chebor wo muri Kenya aba uwa gatatu arushwa amasegonda umunani n’uwa mbere.

Uretse gusiganwa muri metero 5,000, Imanizabayo asanzwe asiganwa no muri metero 15,000, metero 10,000, metero 3,000 na metero 1,500.

Ba uwa mbere mu kumenya amakuru agezweho!!!