Ethiopia: Hatashywe urugomero rwa mbere runini muri Afurika
Mu Mahanga

Ethiopia: Hatashywe urugomero rwa mbere runini muri Afurika

Sedar Sagamba

February 21, 2022

Ku Cyumweru taliki ya 20 Gashyantare 2022, Minisitiri w’Intebe wa Ethiopia Abiy Ahmed yafunguye ku mugaragaro urugomero rwa mbere runini muri Afurika rwubatswe ku ruzi rwa Nil, rukaba rwari rumaze imyaka hafi 11 rwubakwa.

Umunyamakuru wa Radiyo mpuzamahanga y’u Bufaransa Noé Hochet-Bodin yatangaje ko Minisitiri w’Intebe wa Ethiopia ari we ubwe wakije urwo rugomero, ruzatuma abanyetiyopiya bagera kuri miliyoni 60 batari bafite amashanyarazi bayabona.

Iki gikorwa kandi kirafasha Abiy kwiyegereza baturage b’icyo gihugu muri iki gihe cyibasiwe n’intambara za gisivile mu majyaruguru.

Minisitiri w’Intebe wa Ethiopia yagize ati: “Inzira y’ubukungu iradufunguriwe, nta cyahagarika Ethiopia. Tugiye kuba umwe, dukorere hamwe nk’uyu mushinga w’urugomero munini aho gushyira ingufu mu bihanganisha abavandimwe n’imirwano, bikaducamo ibice.”

Injenyeri Kifle Horo yatangaje ko bakomeje kubaka ahasigaye h’urwo rugomero, mu gihe rwaba rumaze gushyirwaho tiribine zindi ebyiri ruzatanga Megawati 750.

Biteganyijwe ko mu gihe urwo rugomero ruzaba rumaze kuzura neza mu mwaka wa 2024 ruzatanga Megawati 5000.

Ni umushinga utarakiriwe neza n’igihugu cya Misiri ndetse n’icya Sudani byibwiraga ko habaho gutuma byo bidakomeza kubona amazi ya Nil kandi ari yo bikoresha mu mibereho yabyo ya buri munsi.

Yanditswe na NYIRANEZA JUDITH

TANGA IGITECYEREZO

AMATEGEKO AGENGA IYANDIKA RY'IGITEKEREZO CYAWE

IZINDI NKURU WASOMA