Hungari: Imodoka yasekuye gariyamoshi hapfa 5
Amakuru

Hungari: Imodoka yasekuye gariyamoshi hapfa 5

NTAWITONDA JEAN CLAUDE

April 5, 2022

Abantu 5 bapfuye abandi 10 bakomerekera mu mpanuka y’imidoka ya Pick-Up yasekuye gariyamoshi mu majyepfo ya Hungary mu gitondo cyo kuri uyu wa Kabiri nk’uko byatangajwe na Polisi y’icyo gihugu

Iyo mpanuka yabereye mu isangano ry’ahitwa Mindszent ku mupaka wa Hungary na Serbia mbere ho gato ya saa kumi n’imwe. 

Batanu bari muri pick-up ni bo bahasize ubuzima, abakomeretse bo bari abo muri iyo gariyamoshi nk’uko bitangazwa n’Ibiro Ntaramakuru by’Abongereza (Reuters).

Imodoka yagonze gariyamoshi ngo yari iyo muri Hungary ikaba yari ihetse abakozi bo mu kigo gikorera muri ako gace.

Ibitangazamakuru byo muri Hungary byerekanye amafoto ya gariyamoshi, ku ruhande hari kajugujugu y’imbangukiragutabara n’imodoka z’imbagukiragutabara nyinshi. 

Ikigo cya Leta gicunga za gariyamoshi kivuga ko iyo gariyamoshi yagonzwe iva ahitwa i Kiskunfelegyhaza yerekeza i Hodmezovasarhely itwaye abagenzi 22 barimo 2 bakomeretse bikomeye n’abandi umunani bakomeretse byorojeje. 

Bivugwa mo impanuka yatewe n’uko umushoferi w’imodoka yanze kumvira amatara y’umutuku amuburira ko hagiye gutambuka gariyamoshi yambukiranya mu mu muhanda. 

TANGA IGITECYEREZO

AMATEGEKO AGENGA IYANDIKA RY'IGITEKEREZO CYAWE

IZINDI NKURU WASOMA