Kenya yasabye u Bushinwa inguzanyo ya miliyari y’amadolari

Kenya yasabye u Bushinwa inguzanyo ya miliyari y’amadolari

Imvaho Nshya

October 17, 2023

Igihugu cya Kenya cyasabye u Bushinwa irindi deni. Ni amafaranga azakoreshwa muri gahunda icyo gihugu gisanganywe mu bijyanye n’iterambere ku Isi. Ni mu gihe amadeni ya Kenya akomeje kwiyongera.

Ijwi ry’Amerika ryatangaje ko Perezida William Ruto asaba u Bushinwa irindi deni rya miliyari y’amadolari y’Amerika, mu gihe igihugu cya Kenya cyari gisanzwe gifite ideni ringana na miliyari 70 z’amadolari y’Amerika.

Perezida Ruto ni umwe mu bayobozi b’ibihugu bitabiriye inama ya 10, mu mushinga w’u Bushinwa ugamije iterambere ku Isi ‘Belt and Road’, yabereye i Beijing.

Uyu mushinga ukomeye uteganya ubufatanye n’umugabane w’Afurika, Aziya n’u Burayi mu bikorwa by’iterambere.

Umuvugizi w’ibiro by’Umukuru w’Igihugu cya Kenya Hussein Mohammed, yagize ati: “Perezida w’igihugu yiteguye gutanga ikiganiro ‘Ubukungu mu ikoranabuhanga rya none, nk’inzira y’iterambere’ mu nama irimo ibera mu Bushinwa.

Kenya ni igihugu kimaze igihe mu bibazo by’amadeni. Gifitiye amabanki yo mu Bushinwa miliyari 6 z’amadolari y’Amerika, nk’uko inzego z’icyo gihugu zibitangaza.

Byari bitegekanyijwe ko amwe muri ayo madeni yagombaga kuba yarishyuwe mu mwaka wa 2023 no muri 2024.

KAYITARE JEAN PAUL

TANGA IGITECYEREZO

AMATEGEKO AGENGA IYANDIKA RY'IGITEKEREZO CYAWE

IZINDI NKURU WASOMA