Kigali: Sunday Park yaciwe 300,000 Frw kubera serivisi mbi
Amakuru

Kigali: Sunday Park yaciwe 300,000 Frw kubera serivisi mbi

Imvaho Nshya

July 24, 2023

Urwego rw’Igihugu rw’Iterambere (RDB) rumaze gutangaza ko rwihanangirije Sunday Park kandi igacibwa amande y’ibihumbi 300 biturutse ku mitangire mibi ya serivisi.

Sunday Park ikorera mu gishanga cya Kacyiru mu Karere ka Gasabo, itanga serivisi zirimo aho kwifotoreza, aho gusohokera no kwidagadura, ndetse hagakorerwa n’ubukwe.

RDB ibinyujije ku mbuga nkoranyambaga zayo yagize iti: “Hashingiwe ku bibazo byagaragajwe bijyanye na serivisi mbi zitangirwa kuri Sunday Park, hakiyongeraho ubugenzuzi bwakozwe na RDB, turabamenyesha ko iyo Sunday Park yihanangirijwe kandi igacibwa n’amande y’amafaranga y’u Rwanda ibihumbi 300”.

Urwego rw’Igihugu rw’Iterambere rusaba buri wese kujya atanga amakuru mu gihe ahawe serivisi zitari nziza kugira ngo zijye zirushaho kunozwa.

Yanditswe na KAYITARE JEAN PAUL

TANGA IGITECYEREZO

AMATEGEKO AGENGA IYANDIKA RY'IGITEKEREZO CYAWE

IZINDI NKURU WASOMA