MINALOC yasabye Uturere guteza imbere siporo
Amakuru

MINALOC yasabye Uturere guteza imbere siporo

NTAWITONDA JEAN CLAUDE

June 26, 2023

Minisitiri w’Ubutegetsi bw’Igihugu (MINALOC) Musabyimana Jean Claude, yasabye inzego zitandukanye guteza imbere siporo kuko hari abantu bafite impano, zigatezwa imbere.

Yabigarutseho mu butumwa yatanze ubwo hasozwaga imikino, Aho abakinnyi ku giti cyabo n’amakipe yahatanye mu Murenge Kagame Cup 2023.

Mu bagabo mu mukino w’amaboko, basketball, amakipe yatsinze ni ayo mu Turere twa Musanze, Gatsibo na Muhanga. Mu bagore ni Musanze, Kamonyi na Rutsiro.

Mu ijambo risoza aya marushanwa, Minisitiri Musayimana Jean Claude yashimiye abakinnyi bose bitabiriye irushanwa, asaba inzego zishinzwe guteza imbere siporo, kubyaza umusaruro impano zagaragaye muri aya marushanwa, zikarerwa kandi zigatezwa imbere kuko ari imwe mu ntego y’aya marushanwa.

Minisitiri Musabyimana Yagize ati: “Twabonye impano zitandukanye kandi ziri ku rwego rushimishije twagombye gusigasira. Abayobozi b’Uturere bazadufashe gukurikirana no kuzamura impano zagaragaye”.

Tuyizere Etienne wamenyekaniye mu marushanwa aherutse ubu ari mu Ikipe y’Igihugu y’Amagare.

Minisitiri Musabyimana kandi yavuze ko ayo marushanwa yerekanye ko hari indi ntambwe ikeneye guterwa.

Ati: “Aya marushanwa yatweretse ko hari indi ntambwe dukeneye gutera mu rwego rwo kurushaho kuyitabira no kuyashyigikira kubera ko abaturage bagaragaje ko hari ubukungu bwinshi buyakubiyemo. Nk’abayobozi turasabwa gutekereza ikindi cyakorwa kirenze uburyo twabikoragamo”.

Yaboneyeho gusaba inzego zitandukanye guteza imbere siporo.

Ati: “Turasaba inzego zitandukanye cyane cyane abayobozi b’Uturere guteza imbere siporo kuri bose hirya no hino mu Tugari, no kujya bategura amarushanwa hagati y’Utugari. Ibi bizadufasha kuzamura impano ziri mu rubyiruko no kwitegura neza bene aya marushanwa”.

Mu 𝗺𝘂𝗽𝗶𝗿𝗮 𝘄’𝗮𝗺𝗮𝗴𝘂𝗿𝘂

Mu ba Gabo amakipe ya mbere atatu ni Umurenge wa Nyarugenge|, Umurenge wa Ngarama mu Karere ka Gatsibo n’uwa Busasamana mu Karere ka Rubavu.

Mu bagore ni Umurenge wa Murunda mu Karere ka Rutsiro, Umurenge wa Rwimbogo mu Karere ka Rusizi n’uwa Kacyiru| mu Karere ka Gasabo.

TANGA IGITECYEREZO

AMATEGEKO AGENGA IYANDIKA RY'IGITEKEREZO CYAWE

IZINDI NKURU WASOMA