Morocco yahawe kwakira igikombe cy’Afurika cy’abagabo cya 2025
Mu Mahanga

Morocco yahawe kwakira igikombe cy’Afurika cy’abagabo cya 2025

Imvaho Nshya

September 27, 2023

Ibi byatangajwe mu Inama ya komite nyobozi y’impuzamashirahamwe y’umupira w’amaguru muri Afurika CAF yateranye kuri uyu wa Gatatu Tariki 27 Nzeri 2023 I Cairo mu Misiri.

Morocco yari hatanye na Algeria na Nigeria, yatowe n’amajwi 22 yabagize komite nyobozi ya CAF.

Igihugu cya Morocco si ubwa mbere cyaba cyakiriye irushanwa rikomeye mu mupira w’amaguru kuko uyu mwaka yakiriye final ya CAF champions League, yakira Kandi igikombe cy’isi cy’amakipe naho muri 2022 yarikiye igikombe cy’Afurika cy’abagore.

Iki gikombe cy’Afurika cya 2025 kizakinwa mu mujyi itandatu irimo Agadir, Casablanca, Fes, Marrakech, Rabat na Tangier.

iki gikombe cya 2025 cyari kwakirwa na Guinea gusa muri 2022 Prezida wa CAF Patrice Motsepe yavuze ko imyiteguro iri kugenda gake maze bamburwa uburenganzira.

Ni ku nshuro ya kabiri Morocco yakiriye igikombe cy’Afurika cy’abagabo, inshuro ya mbere hari 1988.

SHEMA IVAN

TANGA IGITECYEREZO

AMATEGEKO AGENGA IYANDIKA RY'IGITEKEREZO CYAWE

IZINDI NKURU WASOMA