Ngororero: Intore zo mu biruhuko zasabwe umusanzu mu Iterambere ry’Igihugu
Amakuru

Ngororero: Intore zo mu biruhuko zasabwe umusanzu mu Iterambere ry’Igihugu

Imvaho Nshya

August 10, 2023

Urubyiruko rwitabiriye gahunda y’Intore zo mu biruhuko, bibukijwe ko urubyiruko ari imbaraga z’Igihugu bakangurirwa kugira uruhare mu Iterambere ry’Igihugu.

Ni ubutumwa bwatanzwe n’Umuyobozi w’Akarere Wungirije Ushinzwe Iterambere ry’Imibereho Myiza y’Abaturage Mukunduhirwe Benjamine, ubwo yatangizaga ku mugaragaro iryo torero mu Mirenge igize Akarere ka Ngororero.

Yagize ati: “Rubyiruko, muri imbaraga z’Igihugu. Murasabwa gukora mukagira uruhare rugaragara mu Iterambere ry’Igihugu”.

Insanganyamatsiko igira iti ‘Ubuzima bwiza amahitamo yanjye’

Ku rwego rw’Akarere iyi gahunda yatangirijwe mu Murenge wa Kageyo, Akagari ka Mukore.

Mu gutangiza iyi gahunda, ababyeyi biyemeje kwita ku bana babo babagira inama y’imyitwarire myiza mu minsi y’ibiruhuko.

Ababyeyi biyemeje kohereza abana babo kwitabira gahunda y’Intore mu biruhuko

Urubyiruko rwakanguriwe gukunda Igihugu baharanira kugira uruhare mu iterambere ryacyo kandi bakarangwa n’indangagaciro. 

Gutangiza gahunda y’Intore  mu biruhuko ryitabiriwe n’abayobozi batandukanye barimo abahagarariye Inzego z’Umutekano, umukozi muri MAJ  Ndayambaje Clement, Umuyobozi w’Ishami ry’Imiyoborere Myiza, Musabeyezu Charlotte, ushinzwe Urubyiruko, Umuco na Siporo  Nyirahabimana Julienne, ushinzwe Abinjira n’Abasohoka  Ntabana Cyrille.

Ku rwego rw’Akarere ka Ngororero biteganyijwe ko hazitabira urubyiruko ruri hafi y’ibihumbi 90.

Yanditswe na NYIRANEZA JUDITH

TANGA IGITECYEREZO

AMATEGEKO AGENGA IYANDIKA RY'IGITEKEREZO CYAWE

IZINDI NKURU WASOMA