Nyagatare: Karangazi yakomorewe ku ndwara y’Uburenge
Amakuru

Nyagatare: Karangazi yakomorewe ku ndwara y’Uburenge

Imvaho Nshya

October 3, 2023

Akarere ka Nyagatare mu Murenge wa Karangazi hari harashyizwe mu kato hirindwa ikwirakwira ry’indwara y’uburenge ku ya 29 Kanama 2023, hakomorewe n’Ikigo cy’Igihugu gishinzwe Iterambere ry’Ubuhinzi n’Ubworozi RAB  kuri uyu wa Mbere tariki 2 Nzeri 2023.

Mu itangazo ryasohowe na RAB rivuga ko nyuma yo kubona uko ingamba zo gukumira no kwirinda indwara y’uburenge yagaragaye mu nka zororerwa mu Murenge wa Karangazi, mu Kagari ka Nyamirama zashyizwe mu bikorwa no kuba nta tungo  ryagaragayeho iyo ndwara mu minsi 21, aborozi bakomorewe.

Ikigo cy’lgihugu Gishinzwe Iterambere ry’Ubuhinzi n’Ubworozi (RAB) cyafashe uwo mwanzuro gishingiye ku kibazo cy’indwara y’Uburenge yari yagaragaye muri uwo Murenge wahise ushyirwa mu kato mu rwego rwo kwirinda ko iyo ndwara ikomeza gukwirakwira mu Gihugu hose.

Ikigo RAB kandi cyari kimaze kubona uko ingamba zirebana no gukumira no kwirinda ikwirakwizwa ry’Indwara y’Uburenge yagaragaye mu nka zororerwa mu Kagari ka Nyamirama no kubona ko nta tungo ryagaragayeho ibimenyetso by’Indwara y’Uburenge mu minsi igera kuri 21.

NYIRANEZA JUDITH

TANGA IGITECYEREZO

AMATEGEKO AGENGA IYANDIKA RY'IGITEKEREZO CYAWE

IZINDI NKURU WASOMA