Pasiporo zatanzwe mbere ya  Kamena 2019 zacyuye igihe
Amakuru

Pasiporo zatanzwe mbere ya  Kamena 2019 zacyuye igihe

NTAWITONDA JEAN CLAUDE

June 28, 2022

 Ubuyobozi Bukuru bw’Urwego rushinzwe Abinjira n’Abasohoka bwatangaje ko pasiporo zatanzwe mbere y’ tariki ya 27 Kamena 2019 zacyuye igihe, zikaba zitazongera kwemerwa  nk’ibyangombwa by’inzira byemewe kuva uyu munsi ku wa 28 Kamena 2022.

Itangazo ryatanzwe  n’ubu buyobozi  rivuga ko Abanyarwanda bose bifuza gukora ingendo mu mahanga basabwa kuba bafite pasiporo nshya z’Umuryango w’Afurika y’Iburasirazuba zikoranye ikoranabuhanga (e-Passport).

Rikomeza rivuga ko Abanyarwanda bava  mu mahanga bagaruka mu Rwanda bakaba basanganywe  pasiporo zicyuye igihe ariko zikaba zitarata agaciro bemerewe kuzikoresha bataha bagarutse mu Gihugu.

Ubuyobozi Bukuru bw’Urwego rushinzwe Abinjira n’Abasohoka burashishikariza Abanyarwanda gusaba pasiporo nshya z’Umuryango w’Afurika y’Iburasirazuba zikoranye ikoranabuhanga banyuze ku rubuga rw’Irembo.

TANGA IGITECYEREZO

  • Kamali John
    June 29, 2022 at 8:35 am Musubize

    Iyo passport nshya igura angahe?

  • Habumugisha Jean de Dieu
    June 29, 2022 at 8:20 pm Musubize

    Mwiriwe neza bayobozi bacu dukunda cyane nabazago ese umuntu urihanze yigihugu ufite iriya passport yarangije igihe ese byakundako ashakira indi kurambasadeye mugihugu runaka arino?
    Nonese bwo byakundako umuntu yabasha gutaha akoresheje iyo passport yarangije igihe?
    Mwansobanurira murakoze.

AMATEGEKO AGENGA IYANDIKA RY'IGITEKEREZO CYAWE

IZINDI NKURU WASOMA